दुलेगौंडा । तनहुँको शुक्लागण्डकी नगरपालिका–९ मा वडा सदस्यले वडाध्यक्षको कार्यकक्षमा ताला लगाए । वडाध्यक्ष धनबहादुर पुलामीले एकलौटी निर्णयमा काम गरेको भन्दै वडा सदस्य दिपक महतले वडाध्यक्षको कार्यकक्षमा ताला लगाएका हुन् ।
महतले ताला लगाएपछि आजै दिउसो नगर उपप्रमुख खुमबहादुर वि.क, प्रशासन शाखा प्रमुख लक्ष्मण लम्साल, इलाका प्रहरी कार्यालय बेलचौतराका प्रहरी निरीक्षक यामनारायण अर्याल, वडाअध्यक्ष पुलामी, वडा सदस्यहरुको उपस्थितिमा ताला तोडियो ।
उपप्रमुख खुमबहादुर वि.क र बन्दकर्ता महतबीच भएको टेलिफोन संवादपछि ताला खोल्ने सहमति भएको बताइएको छ । महतले राखेका असमति र असन्तुष्टिहरुको समाधान छलफलबाट खोज्ने सहमति गरेर ताला खोलिएको नगर उपप्रमुख वि.कले बताए । तर यता महतले आफुसंग सहमति बिना नै प्रहरी प्रशासनको आडमा ताला खोलिएको बताएका छन् । उनका भोलि फेरि जनतासहित मुल गेटमा ताला लगाउने बताएका छन् ।
वडाध्यक्ष धनबहादुर थापा पुलामी भने आफुले त्यस्तो कुनै एकलौटी नगरेको बताउँछन् । उनले जे निर्णय लिनुपर्दा पनि वडा सदस्यहरुसंग सहकार्य र छलफल गर्ने गरेको बताए । साथै हरेक निर्णमा महतले सहमति जनाउदै आएको पनि बताए । ‘उहाँलाई हामीले प्रत्येक बैठकमा बोलाएका छौँ । बैठक पुस्तिका हेर्न सकिन्छ । उहाँ सवै बैठकमा आउनु भाछ, बैठकमा समावेश हुनी अनि बैठक भत्ता लिनी निणर्य चाँही उहाँले मात्र ग¥यो भन्न मिल्छ ।‘
स्थानीय सरकार जनताको समस्या समाधान गर्ने नजिकको सरकार हो । त्यसैले स्थानीय तहका जनप्रतिनिधि बिच नै आपसी समझदारी हुन आवश्यक छ । तर, जनप्रतिनिधि बिच नै टकराब सिर्जना भई विवाद सिर्जना हुनु भने सोभनिय देखिदैन । यसप्रति सम्बन्धीत निकाय गम्भिर हुनुपर्ने देखिन्छ ।
