दुलेगौंडा । शुक्लागण्डकी नगरपालिका-६ मा रहेकाे खैरेनीटार माध्यमिक विद्यालयकाे व्यवस्थापन समितिकाे अध्यक्षमा कमल माेहन घिमिरे चयन भएका छन् । मंगलबार भएको अभिभावककाे भेलाले घिमिरेलाई अध्यक्षमा सर्वसम्मत चयन गरेको हाे ।
समितिकाे सदस्यमा बेदराज घिमिरे, अप्सरा श्रेष्ठ, निरा नेपाली र कुलकुमार कुमाल चयन भएका छन् । बाकी सदस्य समितिकाे पहिलो बैठकले निर्धारण गर्ने विद्यालयमा प्रधानाध्यापक बाेधराज ढकालले बताए ।
समितिकाे भेलाले शिक्षक अभिभावक संघको अध्यक्षमा मणि पाैडेललाई चयन गरेको छ । समिति सदस्यमा राजु परियार, सन्दिप अर्याल, शेषकान्त पाैडेल, शुशिला पराजुली, काेपिला कुमाल, कल्पना कुमाल, सम्झना नेपाली, नवनिर्वाचित विव्यस अध्यक्ष कमल माेहन घिमिरे र प्रधानाध्यापक बाेधराज ढकाल चयन भएका छन् ।
विद्यालय व्यवस्थापन समिति अध्यक्ष, शुक्लागण्डकी-६ का वडाध्यक्ष एवम् वडा शिक्षा समिति संयाेजक बुद्धिबहादुर थापाको सभापतित्वमा सम्पन्न कार्यक्रममा नगर शिक्षा समिति सदस्य केशवराज घिमिरे, कार्यपालिका सदस्य खिम कुमाल, विमल जिसि लगायतको उपस्थिति रहेको थियाे । वि सं. २०२६ साल माघ ४ गते स्थापना गरिएको विद्यालयले ५३ बर्ष पूरा गरेकाे छ । हाल यस विद्यालयमा करिब एक हजार ३ सय बढी विद्यार्थी अध्ययन गर्दछन् ।
