दुलेगौंडा । शुक्लागण्डकी नगरपालिकाले सार्वजनिक जग्गा, स्थलमा रहेका अबैध संरचना हटाउन भदौं ३१ गते ३५ दिने सूचना जारी गरेको थियो । जुन अवधि कार्तिक ४ गते सक्कि सकेको छ । तर, पनि नगरपालिकाले अवौध संरचना हटाउन कुनै पनि कार्य गरेको देखिदैन ।
नगरपालिकाले स्थानीय सरकार सञ्चालन ऐन, २०७४ को दफा ११ को उपदफा (२) बमोजिम सर्वाजनिक सुचना जारी गरेको थियो । सुचनामा सार्वजनिक जग्गा प्रयोग गरी सञ्चालन भएका व्यापार तथा व्यवसाय, राजमार्ग तथा भित्री सडकहरु ओगटी गरिएका निर्माणजन्य कार्य, सार्वजनिक जग्गा तथा सडकको क्षेत्रभित्र सञ्चालित ठेलागाडा तथा घुम्ती सवारी साधन हटाउनका लागि निर्देशन दिएको थियो । सुचनाको म्याद नाग्दा पनि यो निर्देशनमा मात्र सिमित रहेको देखिन्छ ।
नगरपालिकाका प्रमुख प्रशासकीय अधिकृतका लिला बल्लभ न्यौपानेले अवैध संरचनाको लगत लिने, विश्लेषण गर्ने र त्यसको वर्गिकरण गरेपछि मात्रै कार्यपालिकाको निर्देशन अनुसार फिल्डमा जाने बताए । ‘नगरपालिकाले सार्वजनिक जग्गाको लगत लिने, विश्लेषण गर्ने र त्यसको वर्गिकरण गर्ने गरिन्छ । कतिपय बाध्यताबस भएका छन् भने कतिपय थाहा हुदाँ हुदै पनि गरिरहेका छन् । अव कार्यपालिकाले मार्ग निर्देशन गरे अनुसार बल्ल नगरपालिका आधिकारी रुपमा फिल्डमा जान्छ । यसले केही समय लिन्छ’ उनले भने ।
न्यौपानेका अनुासर चुनबको मुखमा अबौध संरचना हटाउने÷नहटाउने दोधारमा रहेको बताए । नागरिकको नै सरकार रहेको हुदाँ नागरिकालाई सम्झाएर जन सहभागितामा अपनत्व बोध गर्ने हिसाबले नगरपालिका यस बिषयमा अगाडी उनको भनाई छ ।
शुक्लागण्डकी नगरपालिकाका मेयर कृष्णराज पण्डित अबैध संरचना हटाउन अझै केही समय थप गरि बल्ल फिल्डमा उत्रने बताउछन् । ‘अब हामीले १५ दिने सुचना निकाल्छौ । त्यसपछि पनि उक्त संरचना नहटेमा ७ दिने सुचना निकाल्ने छौ । त्यति गर्दा पनि भएन भने नगरपालिका कानुनि प्रक्रिया पुरा गरि फिल्डमा जानेछ’ उनले भने ।
