दुलेगौंडा । आसन्न मंसिर ४ गते हुने प्रतिनिधि सभा र प्रदेश सभा सदस्य निर्वाचनमा सहभागि उम्मेद्वारको अन्तिम नामावलि सार्वजनिक भएको छ । तनहुँ क्षेत्र नम्बर २ बाट प्रतिनिधि सभा सदस्यमा १० जना र प्रदेश सभा सदस्यमा १४ जना उम्मेद्वारको अन्तिम नामावली प्रकाशन भएको हो ।
प्रतिनिधि सभा सदस्यमा नेकपा एमालेबाट किरण गुरुङ, नेपाली कांग्रेसबाट शंकर भण्डारी, जनसमाजवादी पार्टी नेपालबाट खड्गबहादुर विक, राप्रपाबाट नेरन्द्रप्रताप महत, नेपाली कांग्रेस (विपि) बाट पुष्पराज पराजुलि, मंगोल नेस्नल अर्गनाईजेसनबाट प्रविना थापा मगर, राष्ट्रिय स्वतन्त्र पार्टीबाट विजय जोशी, नेपाल मजदुर किसान पार्टीबाट रामहरि गोरा, राष्ट्रिय जनमुक्ति पार्टीबाट लालबहादुर सार्की गोतामे र हाम्रो नेपाली पार्टीबाट विष्णु पराजुलीको अन्तिम नामावली प्रकासित भएको छ ।
यसै गरि प्रदेश सभा सदस्यमा नेकपा एमालेबाट श्यामरजा महत र केदार सिग्देल, नेपाली कांग्रेसबाट जितप्रकाश आले, माओवादी केन्द्रबाट राजेन्द्र केशरी न्यौपाने, मौलिक जरोकिलो पार्टीबाट टोलराज वाग्ले, एकिकृत समाजवादीवाट प्रतापलाल श्रेष्ठ र दुर्गाकुमार श्रेष्ठ, राष्ट्रिय जनमुक्ति पार्टीबाट नेत्रबहादुर थापा र धनबहादुर गुरुङ, राष्ट्रिय प्रजातन्त्र पार्टीबाट रेशमराज अधिकारी र श्यामकुमारी राई, मंगोल नेस्नल अर्गनाईजेसनबाट नमबहादुर राना र सुमन थापा मगर, जनसमाजवादी पार्टी नेपालबाट रामबहादुर विश्वकर्माको नाम प्रकाशित भएको छ ।
तनहुँ क्षेत्रनम्बर २ मा प्रदेश सभा सदस्यका ३ जना उम्मेद्वारले उम्मेद्वारी फिर्ता लिएका थिए । उम्मेद्वारी फिर्ता लिनेमा स्वतन्त्र उम्मेद्वार प्रेमकुमार परियार, नेपाली कांग्रेस (विपि)बाट शेषरमण न्यौपाने र जसपाबाट पूर्णबहादुर गुरुङ रहेका छन् ।
