दुलेगौंडा । आगामी मंसिर ४ गते हुने प्रदेश र प्रतिनिधि सभा सदस्य निर्वाचनले राजनीतिक माहोल गर्मिलो बनाएको छ । उम्मेद्वारी दर्ता संगै विभिन्न पार्टीका नेता तथा कार्यकता र स्वतन्त्र उम्मेद्वारहरु यतिबेल चुनावी योजनामा व्यस्त छन् । यसै बिच तनहुँ क्षेत्र नम्बर २ मा गठबन्धन दलले निर्वाचन परिचालन समितिको बैठक बसी चुनावि योजना बनाउन बनाउन थालेको छ । तनहुँ क्षेत्र नम्बर २ मा गठबन्धनबाट प्रतिनिधि सभा सदस्यमा शंकर भण्डारी, प्रदेश सभा सदस्यको लागि जितप्रकाश आले र राजेन्द्र केशरी न्यौपाने चुनावि मैदानमा उभिएका छन् ।
बुधबार पूर्व मन्त्रि आशा कोइरालाको सांयोजकत्वमा तनहुँ क्षेत्र नं २ मा बाम लोकतान्त्रिक गठबन्धन दलहरुको निर्वाचन परिचालन समितिले निर्वाचनका योजनाहरु बनाईएको हो । समितिले २८ गते गठबन्धनमा आवद्ध दलहरुको संयुक्त वैठक बसी संयुक्त कार्यालय स्थापना गरि न्युनतम् १०१ जना सदस्य निर्वाचन प्रचार प्रसार समिति गठन गर्ने, २९ गते ५ वटै पालिकाहरुमा पालिका स्तरीय गठबन्धन दलको संयुक्त वैठक बसी संयुक्त कार्यालय स्थापना गर्ने र न्युनतम् १०१ जना सदस्य निर्वाचन प्रचार प्रसार समिति गठन गर्ने, ३० गते दुबै क्षेत्रका प्रदेश गठबन्धन दलहरुका प्रदेश समितिहरुको संयुक्त वैठक बसी संयुक्त कार्यालय स्थापना गरि न्युनतम् १०१ जना सदस्य निर्वाचन प्रचार प्रसार समिति गठन गर्ने रहेको छ ।
यसै गरि कार्तिक १ गतेका निर्वाचन प्रचार प्रसार समितिहरु लगायत उमेद्वारहरु शुक्लागण्डकी नगरपालिका–४ दुलेगौंडामा रहेको वी पी कोइरालाको शालिक, नगरको वडा नम्बर २ हलेदीमा रहेको शहीद पार्कमा रहेको शहीदको शालिक र शुक्लागण्डकी नगरपालिका–८ पाटनमा रहेको शहीद कृष्ण प्रसाद पौडेलको शालिकमा माल्यापर्ण गर्ने भएका छन् । साथै सोही दिन ढोरबाराहि मन्दिरमा पुजा आराधान गरि चुनाव प्रचार प्रसारको कार्य अगाडी बढ्ने योजना रहेको नेपाली कांग्रेस तनहुँका प्रवक्ता हरि वाग्लेले बताए ।
