दुलेगौंडा । लायन्स क्लब अफ शुक्लागण्डकीले आफ्नै कार्यालय स्थापना गरेको छ । शुक्लागण्डकी नगरपालिका–५ बेलचौतारामा शुक्रबार एक कार्यक्रमका बिच कार्यालय स्थापना गरेको हो ।
क्लबको आफ्नै सम्पर्क कार्यालय नहुदाँ नियमित बैठक बस्न समेत समस्या रहेको क्लबका अध्यक्ष सुमन सापकोटाले बताए । विगतमा जस्तो अब बैठक कहाँ बस्ने होला भन्ने समस्या समाधान भएको सापकोटाको भनाई छ । ‘बैठक कहाँ बस्ने भन्ने समस्या समाधान भएको छ । यसअघि होटल, सभाहलमा बैठक बस्दा अनावश्यक भाडामा पैसा खर्च भईरहेको थियो । अबका दिन आफ्नै कार्यालयमा बैठक बस्दा पैसाको पनि बचत हुन्छ । उक्त बचत भएको आफुभन्दा कम भाग्यमानी व्यक्तिलाई सहयोग गर्न मदत पुग्ने छ’ उनले भने ।
क्लबका अध्यक्ष साकोटाको सभापतित्वमा भएको कार्यालय स्थापना कार्यक्रममा एम्.जे.एफ लायन्स कृष्णप्रसाद पौडेल, असिस्टेण्ड चिफ एडभाइजर मोतिप्रसाद पौडेल, संस्थापक अध्यक्ष तिर्थराज खनाल, शु्कलागण्डकी नगरपालिका–६ का वडाध्यक्ष बुद्धिबहादुर थापा, शुक्लागण्डकी नगरपालिका–५ का वडाध्यक्ष दीर्घबहादुर थापा, लायन्स मिनबहादुर लामिछाने, फणीन्द्र पौडेल, सुरेन्द्र पौडेल लगायतको उपस्थिती रहेको थियो ।
