दुलेगौंडा । तनहुँ जिल्लाकै नमुना विद्यालयको रुपमा स्थापित पञ्चमुनिदेव माध्यमिक विद्यालयको व्यवस्थापन समितिको अध्यक्षमा पुनः सन्तोष श्रेष्ठ सर्वसम्मत चयन भएका छन् । शनिबार भएको अभिभावको भेलाले श्रेष्ठलाई अध्यक्षमा सर्वसम्मत चयन गरेको हो ।
समितिको सदस्यमा तारादेवी गौतम, मिरा विक र कृष्णबहादुर राना चयन भएका छन् । विद्यालयमा व्यवस्थापन समितिमा ९ सदस्य हुने व्यवस्था छ । बाँकी सदस्य व्यवस्थापन समितिको पहिलो बैठकले मनोनित गर्ने विद्यालयका सुचना अधिकारी लक्ष्मण पुरीले जानकारी दिए ।
यसै गरि शिक्षक अभिभावक संघको अध्यक्षमा प्रकाश थापा चयन भएका छन् । उनि संगै सदस्यमा हुमबहादुर भट्ट, कृष्णराज घिमिरे, खिममाया अर्याल सिग्देल चयन भएका छन् ।
