दमौली । तनहुँ समाज हङकङले प्रदान गर्ने युवा पत्रकारीका पुरस्कारबाट कान्तिपुर टेलिभिजनाका सञ्चारकर्मी प्रताप राना र खबरपुञ्ज डटकमका सञ्चारकर्मी कृष्ण न्यौपानेलाई पुरस्कृत गरिएको छ । समाज परिर्वतनका लागि सञ्चार क्षेत्रमा दिएको योगदानलाई कदर गर्दै समाजले युवा पत्रकारीता पुरस्कारबाट राना र न्यौपानेलाई सम्मानित गरेको हो । सम्मानित पत्रकार द्वयले नगद ५ हजार साथमा सम्मान पत्र प्राप्त गरेको छ ।
कार्यक्रममा बोल्दै व्यास नगरपालिकाका मेयर वैकुण्ठ न्यौपानेले विपतको समयमा रहात वितरण, कोरोना महामारीको समयमा स्वास्थ्य सामग्री वितरण लगायत जनचेतनामुलक कार्यक्रम साथसाथै पत्रकारको सम्मान गर्दै समाजले समाज परिर्वतनमा महत्वपूर्ण योगदान दिएको बताए ।
तनहुँ सेवा हङकङका निर्वातमान अध्यक्ष जंगबहादुर थापाको सभापतित्वमा सम्पन्न कार्यक्रममा नेपाल पत्रकार महासंघको केन्द्रिय सदस्य प्रदिप काफ्ले, नेपाल पत्रकार महासंघ तनहुँका अध्यक्ष उज्वल पौडेल, पुर्व अध्यक्ष डम्बरबहादुर अधिकारी, निर्वतमान अध्यक्ष ओमकार आचर्य लगायतको उपस्थिती रहेको थियो ।
तनहुँ सेवा हङकङले प्रत्यक बर्ष स्थापना दिवसको अवसरमा युवा पत्रकारीता पुरस्कारबाट पत्रकारलाई सम्मान गर्दै आईरहेको छ । समाजको २३ औं स्थापना दिवसमा राना र न्यौपानेलाई पुरस्कृत गरिएको हो ।
