दुलेगौँडा । नेपाल आदिवासी जनजाति महासंघ नगर समन्वय परिषद् शुक्लागण्डकीको अध्यक्षमा तुलसीकुमारी श्रेष्ठ सर्वसम्मत चयन भएकी छिन् । सोमबार बेलचौतरामा भएको महासंघको तेस्रो अधिवेशनले श्रेष्ठको नेतृत्वमा ११ सदस्यीय नयाँ कार्य समिति चयन गरेको हो ।
अधिवेशनले उपाध्यक्षमा कुलकुमार कुमाल, सचिवमा सुमन आले, कोषाध्यक्षमा कुलबहादुर भुजेल, सहसचिवमा सुरेन्द्रकुमार तामाङ चयन भएका छन् । त्यस्तै, सदस्यहरुमा बिर्सना श्रेष्ठ, पदम भुजेल, दोक बहादुर तामाङ, बिष्णुबहादुर राना, दिलमाया कुमाल र दिपक ज्वारचन चयन भए ।
अधिवेशनलाई सम्बोधन गर्दै महासंघको जिल्ला अध्यक्ष बसुन्धरा घर्तीले संघभित्र राजनिति गर्न नहुने बताईन् । ‘हामी आदिवासी राजनीति गर्ने ठाउँमा पुग्न जरुरी छ तर, संघ भित्र नै राजनीति गर्नु उपयुक्त हुदैन्’ उनले भनिन् । संघलाई बलियो बनाउन सबै अदिवासीहरु एक भएर अगाडी बढ्न जरुरी रहेको बताए । आदिवासी जनतातिको कुनै समुदायले कार्यक्रम गर्दै छ भने त्यसको जानकारी आदिवासी महासंघलाई गराउनुपर्नेमा जोड दिईन् । ‘अदिवासीहरुमध्य कुनै समुदाएले कार्यक्रम गर्दै छ भने त्यस कार्यक्रममा आदिवासी महासंघलाई पनि सहभागि गराउनु पर्छ । यसो गरे मात्र संघ र संगठन बलियोे हुन्छ । समुदायमा भएको समस्या समाधानमा महासंघ बलि लागि पर्दछ । जबसम्म हामी आफुखुसी गर्दछौ तबसम्म हामी अगाडी बढ्न सक्दैनौ’ उनले भनिन् ।
महासंघका अध्यक्ष विमल भुजेलको सभापतित्वमा सम्पनन कार्यक्रममा महासंघको जिल्ला उपाध्यक्ष सुजित हिराचन, महासंघको नगर सल्लाहकार संयोजक खिमबहादुर कुमाल, शुक्लागडकी–६ का वडासदस्य कुलकुमार कुमाल, महासंघका संस्थापक अध्यक्ष डिलबहादुर थापा, देय दबु गण्डकी प्रदेशका कार्यवहाक अध्यक्ष हरिकुमार श्रेष्ठ, नेपाल मगर संघ शुक्लागण्डकीका अध्यक्ष अमरराज थापा, अरिदेव नेवा शुक्लागण्डकीका अध्यक्ष अर्जुन कुमार श्रेष्ठ, भुजेल समाज सेवा समितिका अध्यक्ष कुलबहादुर भुजेल लगायतले मन्तव्य राखेका थिए । कार्यक्रमको संञ्चालन महासंघका सचिव सुमन आलेले गरेका थिए ।
