दुलेगौंडा । पूर्वाधार विकास शाखा शुक्लागण्डकी नगरपालिकाले ६० औं ईन्जिनियर दिवसको अवसरमा वृक्षारोपण कार्यक्रम गरेको छ ।
कार्यक्रममा बोल्दै नगरका नगरप्रमुख कृष्णराज पण्डितले विकासका योजनालाई गणस्तरीय र समयमा सम्पन्न गर्न ईन्जिनियरको ठूलो भुमिका रहने बताए । आर्थिक बर्ष ०७९÷८० लाई शुक्लागण्डकी नगरपालिकालाई पूर्वाधार बर्षको रुपमा स्थापित गरेका नगरप्रमुख पण्डितको भनाई छ । ‘शुक्लागण्डकी नगरपालिकालाई यस बर्ष पूर्वाधार बर्षको रुपमा राखिएको छ । जहाँ १०० प्रतिशतमा ७० प्रतिशत पूर्वाधार विकासलाई जोड दिएको छ । योजनालाई समयमा सम्पन्न गर्न ईन्जिनियर, प्रविधिकको महत्वपूर्ण भुमिका रहने हुन्छ । त्यसैले सम्पूर्णलाई कर्मचारीहरु आफ्नो जिम्मेवारप्रति बफादार रहेर असारे विकासलाई कम गर्नका निम्ति लागि पर्न अनुरोध गर्दछु’ उनले भने ।
यसै गरि कार्यक्रममै बोल्दै प्रमुख प्रशासकीय अधिकृत लिला बल्लभ न्यौपानेले ईन्जिनियर राष्ट्र निर्माताकोे खम्बा रहेको बताए । ‘ईन्जिनियर राष्ट्र निर्माताको खम्बार हुन् । त्यसैले देश विकासमा यहाँहरुको जिम्मेवारी उच्च रहन्छ’ उनले भने । साथै ईन्जिनियरले समयको पालना गरेर आफै सिर्जनशिल हुनुपर्ने बताए ।
ईन्जिनियर दिवसमा नगरपालिकाका नगरप्रमुख पण्डित, उपप्रमुख खुमबहादुर बिक राजु, विभिन्न शाखाका कर्मचारी, ईन्जिनियर, प्रविधिक लगायतले नगरपालिका परिसरमा विभिन्न प्रजातिका विरुवाहरु लगाएका छन् ।
