दुलेगौंडा । शुक्लागण्डकी नगरपालिकाले नगरमा कार्यरत कर्मचारी र जनप्रतिनिधिलाई अभिमुखिकरण गराएको छ । आर्थिक बर्षको बजेट, नीति तथा कार्यक्रमलाई प्रभावकारी रुपमा लागु गर्न कर्मचारी र जनप्रतिनिधिलाई प्रशिक्षण गराईएको शुक्लागण्डकी नगरपालिकाका प्रमुख प्रशासकीय अधिकृत लिला बल्लभ न्यौपानेले बताए ।
कर्मचारी र जनप्रतिनिधि मिलेर अगाडी बढ्दा जनताले सहज सेवा पाउने नगरका उपप्रमुख खुमबहादुर विक (राजु) ले बताए । साथै उनले जबसम्म संघ, प्रदेश र स्थानीय तह एकै बाटोमा हिड्न सक्दैन तबसम्म लक्ष्य र निश्चित गन्तव्यमा पुग्न नसक्ने बताए ।
कार्यक्रममा बोल्दै शुक्लागण्डकी नगरपालिकाका नगर प्रमुख कृष्णराज पण्डितले कर्मचारी र जनप्रतिनिधिको समबन्ध सुमधुर हुदै जादाँ नगर शुशासन कायम हुने बताए । ‘जनप्रतिनिधि र कर्मचारी बिच नङ र मासु सम्बन्ध रहेको हुन्छ । हामी मिलेर अगाडी बढ्दै जादाँ समृद्ध नगर निर्माणमा सहयोग पेग्नुका साथै नगरमा शुशासन कायम गर्न पनि सहयोग पु¥याउछ’ उनले भने ।
शुक्लागण्डकी नगरपालिका हलमा आज र भोलि अभिमुखीकरण कार्यक्रम हुने छ । कार्यक्रममा प्रमुख प्रशिक्षकको रुपमा नेपाल सरकारका पूर्व मुख्य सचिव डा. सोमलाल सुवेदी रहेका छन् । उनले तालिममा स्थानीय तहको, जनप्रतिनिधि, कर्मचारीको काम, कर्तव्य र अधिकार बारे जानकारी, बजेट, नीति कार्यक्रमको छनोट, कायन्वयन लगायत विषयमा प्रशिक्षण गराउने भएका छन् ।
