दुलेगौंडा । लाइन्स क्लब ईन्टरनेशनल ३२५ बि १ नेपालको चौंथो क्याबिनेट मिटिङ्गको पूर्व सन्ध्यामा लायन्स क्लबले दुलेगौंडा बजारमा बृहत सरसफाई कार्यक्रम गरेको छ । बिहीबार लायन्स क्लब साथै नगर प्रमुख, वडा अध्यक्ष, वडा सदस्यहरु, सुरक्षाकर्मी र स्थानीयको उपस्थितीमा सरसफाई कार्यक्रम गरिएको लायन्स कलबका जोन चियर पर्सन एवम् कार्यक्रमका सह–संयोजक बरदान क्षेत्रीले जानकारी दिए ।
लाइन्स क्लब ईन्टरनेशनल ३२५ बि १ नेपालको चौंथो क्याबिनेट मिटिङ्ग भव्यरुपमा सफल बनाउन बृहत सरसफाई कार्यक्रम गरिएको क्षेत्रीले बताए ।
देशभरी रहेका ६४२ वटा क्लबहरुको उपस्थिती रहने क्याबिनेट मिटिङ्ग असार ४ गते दुलेगौंडा स्थित ह्वाईट हाउस पार्टी प्यालेसमा हुने भएको छ । शुक्लागण्डकी, म्याग्दे र भिमादका मोफसलमा रहेका ९ वटा क्लबहरुको संयुक्त आयोजनामा कार्यक्रम हुन लागेको हो । कार्यक्रममा देशभरीका लायन्स क्लबमा अबद्ध१२ सय जना भन्दा बढी सदस्यहरुको उपस्थिती हुने आयोजकले जनाएको छ ।
