दुलेगौंडा । जिल्लाको शुक्लागण्डकी नगरपालिकामा आजदेखि किसान सुचिकरण सुरु भएको छ । कृषि तथा पशुपन्छी विकास मन्त्रालयले तयार पारेको किसान सूचीकरण व्यवस्थापन कार्यक्रम अनुासर नगरमा किसान सुचिकरण सुरु गरेको पशु शाखा प्रमुख मुक्तिराम पौडेलले बताए ।
किसान सुचिकरण कृषि क्षेत्रमा लागेका किसानहरुको विवरण संकलन पशु शाखा प्रमुख पौडेलले बताए । ‘नगरमा कति किसान छन् ? ति किसान कुन कुन उत्पादनमा आर्षित छन् ? साना किसान कति छन् ? ठुला तथा व्यवसायिक किसान कति छन् ? भनेर तथ्यांक संकलन गर्न किसान सुचिकरण गरिन्छ’ उनले भने । यस पटक शुक्लागण्डकी नगरपालिका १०, ११ र १२ मा किसान सुचिकरण गरिने भएको छ । संघबाट आएको बजेट अनुरुप नगरले यस बर्ष ३ वटा वडामा किसान सुचिकरण गर्न लागेको पशु शाखा प्रमुख पौडेलले बताए ।
‘संघिय सरकारले यो बर्षलाई जति बजेट दिएको छ । त्यो अनुसार नगरको ३ वटा वडमा सुचिकरणको काम गरेको । गर्न चाही प्रत्येक वडामा यो कार्यक्रम लागु हुन्छ’ उनले भने । किसानले पाउने सुविधा, अनुदान, उत्पादन, किसानको वर्गिकरण गर्नका लागि सहयोग पु¥याउने हुदाँ हरेक किसान सुचिकरण गर्न आवश्यक रहेको पौडेलले बताए । ‘किसान सुचिकरणको एउटा र्पाेटल छ । त्यस र्पाेटल खोलेर हरेक आफ्नो विवरणहरु भर्न सक्छन् । जो जो किसानहरुले त्यो विवरण भर्न सक्नुहुन्न त्यो त्यो किसानहरुलाई सहजिरण गर्न गणकहरु नियुक्ति गरेका छौ । आजदेखी नै हामीले गणकहरु पठाएका छौ’ उनले भने ।
