दुलेगौंडा- घारी तालबेसी निवासी हरी प्रसाद गैरे र ऊहाको भाई माधब ग़ैरेद्धारा श्री तालवेसी मा.वि. तनहुँ को वालविकास केन्द्रमा रहेको प्ले स्टेसनलाई सरक्षण गर्न र घामपानी बाट बालबालिकालाई जोगाउनको लागि रु तिन लाख बराबरको ट्र्स निर्माण कार्यको सहयोग गर्नु भएको छ।
गैरे दाजुभाई तालबेसी माबिका भूतपूर्व बिधार्थी हुन् । हरि प्रसाद गैरे हालअमेरिकामा व्यवसाय गर्दै आऊँनु भएको छ भने माधब गैरे स्कटल्याण्ड काम गर्नुहुन्छ। आफूहरु यसै बिद्यालयमा अध्ययन गर्दा बिद्यालयको भौतिक पूर्वाधार कमीका कारण आफुले भोग्नु परेको समस्यालाई सम्झेर अबका बालबालिकालाई सहज ढङ्गले अध्ययन गर्न सकुन भन्ने उद्देश्यले सहयोग गरेको गैरेले बताउनु भयो ।
यसअघी पनि उहाँहरूले यस क्षेत्रमा विभिन्न क्षेत्रमा सहयोग गर्दै आऊनु भएको छ। जनावरप्रेमी हरि गैरेले यसअघी पनी गौ संरक्षण केन्द्रको लागी दाना, छाडा कुकुरको बचाउ अभियान लगायत अन्य जनावर बचाउ अभियान समेत सहयोग गर्नुभएको थियो ।
