दमाैली । गए राति परेको अविरल वर्षाका कारण पृथ्वी राजमार्ग स्थित तनहुँको आँबुखैरेनी गाउँपालिका–४ साँखरस्थित ड्याम नजिक सडक भाँसिएकाे छ । सडक भाँसिदा दुईतर्फी सवारी आवागमनमा अवरुद्ध भएको जिल्ला प्रहरी कार्यालय तनहुँले जनाएको छ ।
सडक भासिएर नदी खोचमा खसेको कारमा सवार मध्ये २ जनाको शव भेटिएको छ । उनीहरुको परिचय खुलेको छैन । कार सडकबाट तल मर्स्याङ्दी नदीको खोंचमा खसेको थियो । घटनास्थलमा उद्धारकर्ता र स्वास्थ्यकर्मीसहितको टोलीलाई परिचालन जिल्ला प्रहरी कार्यालय तनहूँले जानकारी दिएको छ ।
सडकको तत्काल मर्मतसम्भार पनि गर्न नसक्ने भएपछि जताबाट आएको त्यतैतर्फ सवारीसाधान फर्काइएको जिल्ला प्रहरी कार्यालय तनहुँका प्रहरी नायब उपरीक्षक युवराज खड्काले जानकारी दिए । उनका अनुसार सडकको भाग तलबाट भासिएकाले बेलिब्रिज नराखेसम्म गाडी आवतजावतमा सम्भव नदेखिएको छैन । करिब २० मिटर सडक भाँसिएको छ ।
