दुलेगौडा, नेपाल बिद्यालय कर्मचारी परिषद, शुक्लागण्डकी इकाईले बिहिबार शुक्लागण्डकी नगरपालिकाका प्रमुख तथा उपप्रमुखलाई बधाई तथा सम्मान ब्यक्त गरेको छ ।
समितिले बिहिबार नगर प्रमुख कृष्णराज पण्डितको कार्यकक्षमा पुगी बधाई तथा शुभकामना दिनुको साथै बिद्यालय कर्मचारीको समस्या र मागहरुको बारेमा समेत नगर प्रमुखको ध्यानाकर्षण गराएको थियो ।
कार्यक्रममा नेपाल बिद्यालय कर्मचारी परिषदका केन्द्रिय महिला उपाध्यक्ष सरिता पौडेल रेग्मीले नगर प्रमुख कृष्णराज पण्डित तथा उप प्रमुख खुम बहादुर बिक राजुलाई बधाई पत्र हस्तान्तरण गर्दै बिद्यालय कर्मचारीका उचित मागको सम्बोधन गरि समग्र शिक्षा क्षेत्रलाई माथि उकास्न नव निर्वाचित जनप्रतिनिधिहरुको बिशेष भूमिकाको अपेक्षा गरेको बताईन । भेटपछी नगर प्रमुख पण्डित तथा उप प्रमुख बिकले परिषदको मागको अध्ययन गरि मिल्ने सहयोग गर्ने प्रतिबद्धता ब्यक्त गरेका थिए ।
कार्यक्रममा नेपाल बिद्यालय कर्मचारी परिषद्का जिल्ला अध्यक्ष रामशरण नेपाली लगाएत अन्य पदाधिकारीकोको समेत उपस्थिति रहेको थियो ।
