दुलेगौंडा । स्थानीय तहको निर्वाचनपछि शुक्लागण्डकी नगरपालिकाको उपमेयर निर्वाचित भएका खुम बहादुर विक (राजु)लाई भानुभक्त बहुमुखी क्याम्पसका विद्यार्थीहरुले बधाई तथा सम्मान गरेका छन् ।
भानुभक्त बहुमुखी क्याम्पसका पुर्व विद्यार्थी साथै क्याम्पसकै पूर्व स्ववियु सभापति समेत रहेको हुदाँ विद्यार्थी समुहबाट नै बधाई तथा सम्मान कार्यक्रम गरिएको क्याम्पसका विद्यार्थी सुरेस पौडेलले बताए ।
विद्यार्थीले आयोजना गरेको कार्यक्रमलाई सम्बोधन गर्दै उपमेयर राजुले विद्यार्थीको शैक्षिक स्तर वृद्धि गर्न नगर भरीका विद्यालयको तथ्यङ्क संकलन गर्ने कार्य भएको बताए । उनले भानुभक्त क्याम्पसमा आफुले पनि पढेको हुदाँ आफ्नो घरजस्तै रहेको हुदाँ धेरै समस्या आफुले पनि बुझेको बताए । ‘यो क्याम्पसमा मैले पनि अध्यन गरेको हुदाँ यहाँको समस्या मैले धेरै थोरै बुझेको छ । सोही अनुसार समस्या समाधान गर्न मैले पहल पनि गर्नेछु । साथै यहि क्याम्पसबाट विद्यार्थीलाई डिग्री हासिल गर्ने वातावरण पनि तयार पर्ने पहल गर्नेछु’ उनले भने ।
विद्यार्थीहरुले आयोजना गरेको कार्यक्रममा क्याम्पस प्रमुख रेशमबहादुर अधिकारी, सहायक क्याम्पस प्रमुख धनप्रसाद पोख्रेल, विद्यार्थी विनिता भण्डारी लगायतले शुभकामना मन्तव्य दिएका थिए भने श्रीराम मरासेनीले कार्यक्रम संञ्चालन गरेका थिए ।
