दुलेगौंडा । जिल्लाको शुक्लागण्डकी नगरपालिकाको मेयरमा नेपाली कांग्रेसले सुरुवातदेखी नै अग्रता कायम गरेको छ । शुक्लागण्डकी नगरपालिका–१ मा २०० मत गणना गर्दा गठबन्धन तर्फबाट कांग्रेसका उम्मेद्वार कृष्णराज पण्डितले १०२ मत सहित अग्रका कायम गरेका हुन् । मेयर पदका प्रत्यासी नेकपा एमालेका मुक्तिनाथ तिम्सिनाले भने ८३ मत प्राप्त गरेका छन् ।
यसै गरि उपमेयर पदमा नेकपा एमालेकी फुलमाया वाग्लेले ८४ मत प्राप्त गर्दै अग्रता कायम गरेकी छिन् भने गठबन्धनका तर्फबाट माओवादीका खुमबहादुर विक राजुले ६० मत प्राप्त गरेका छन् ।
शुक्लागण्डकी नगरपालिका–१ मा वडाध्यक्षका उम्मेद्वार नेपाली काँग्रेस रबिचन्द्र पौडेल १०७ मत र एमाले रघुनाथ पौडेल ८२ मत प्राप्त गरेका छन् ।
