दुलेगौँडा–पृथ्वी राजमार्गको गाछेपानी कोत्रे सडक खण्ड मर्मतका लागी जिल्ला प्रशासन कार्यालय तनहुँको ध्यान आकर्षण गराईएको छ । राजमार्ग भत्किएर बुङबुङ्ती उडने धुलोले आजित स्थानीयले मंगलबार प्रशासनको ध्यान आकर्षण गराएका हुन् ।
स्थानीय विगत पाँच दिनदेखी आन्दोलित छन् । सडक मर्मतका लागि जिल्ला प्रशासन कार्यालय तनहुँले मुग्लिन पोखरा सडक योजना (पश्चिम खण्ड) लाई निर्देशन दिएको छ । मंगलबार धुलो संघर्ष समितिका संयोजक ठाकुरप्रसाद खनाल लगायत आजित स्थानीय र प्रशासन कार्यालयबिच भएको छलफलपछि तनहुँका प्रमुख जिल्ला अधिकारी विश्वप्रकाश अर्यालय सडक मर्मतका लागि निर्देशन सहितको पत्राचार गरेका छन् ।
कालोपत्रे भत्किए धुलो उड्ने सडकमा नियमित पानी हालेर धुलो कम गर्ने, खाल्डा खुल्डी रहेको सडक मर्मत गर्ने, गाछेपानी–कोत्रे खण्डमा ग्रेडर रोलिङ गर्ने र नियमित पानी हाल्ने व्यवस्था मिलाउने, सडक सुधारको कार्यको थालनि कोत्रे–गाछेपानी खण्डबाट सुरुवात गर्न सडक योजना (पश्चिम खण्ड) लाई अर्यालले निर्देशन दिएका छन् ।
धुलो नउड्ने बनाउन दैनिक सडकमा पानी हाल्न दुई वटा ट्याङ्कर चलाउने आश्वासन प्रशासन कार्यालयबाट पाएको गाछेपानीका शंकर पन्तले जानकारी दिए । धुलो कम गर्न सम्बन्धित निकायबाट आश्वासन आएको हुदाँ केही समय आन्दोलन स्थगित गरिएको उनले बताए । ‘दस दिन भित्रमा काम सुरु हुने गरि बिग्रेको बाटोमा ग्रेडर लगाएर सम्याउने र ग्राबेल हालेर रोलर लगाउन भनिएको छ । यसले गर्दा आज र भोलि हामी काम भए नभएको हेर्नेछौँ । फेरी पनि आश्वासन दिने र झारा टार्ने काम भएमा पर्सि देखी नै हाम्रो संघर्ष र आन्दोलन जारी रहने छ’ पन्तले भने ।
लामो समयदेखी धुलोका कारण सास्ती खेप्नुपरेका पृथ्वी राजमार्ग स्थित दुलेगौडा–कोत्रे खण्डका स्थानीय आन्दोलित छन् । ९ देखी ११ बैशाखसम्म दैनिक सडक अबरुद्ध पार्दै स्थानीय आन्दोलन गरेका थिए ।
तनहुँका प्रमुख जिल्ला अधिकारी विश्वप्रकाश अर्यालय सडक मर्मतका लागि परियोजनालाई पठाएको निर्देशन सहितको पत्रा
