बेलचौतारा । गत बिहीबारदेखि बेपत्ता रहेका शुक्लागण्डकी नगरपालिका–५ गल्छिनाका ३० बर्षिय बिशाल ढुङ्गाना मृत फेला परेका छ । ८ गते साँझ पखदेखि बेपत्ता रहेका ढुङ्गान शनिबार राति ११ बजेको आसपासमा आफन्तले शव फेला पारेका हुन् ।
प्रहरी स्रोतका अनुासर मृतकको शरिर शुक्लागण्डी नगरपालिका–४ र ५ को सिमानामा पर्ने कव्रस्थान खोल्साको पानी जमेको स्थानमा फेला परेको थियो । शव फेला परेपछि आफन्तले ईलाका प्रहरी कार्यालय बेलचौतारामा सम्पर्क गरेका थिए । प्रहरीले घटना स्थलमा पुगेर मुचुल्का तयार पारी शव उठाएको थियो ।
मुचुल्का कार्य समाप्त पश्चात मृतको शरिरको पोष्टमार्टमको लागि जिल्ला अस्पताल दमौलि पठाएको साथै घटनाको बारेमा अनुसन्धान भैरहेको प्रहरी स्रोतले जनाएको छ ।
