दुलेगौँडा । कानुन विषयका विद्यार्थीले शुक्लागण्डकी नगरपालिकाका विभिन्न विद्यालयमा अध्ययन गर्ने विद्यार्थीलाई कानुन सम्वन्धि सचेतना प्रदान गरेको छ । बालबालिकाको अधिकारी स्थापित गर्न उपयोगी हुने कानुनका बारेमा पोखरा महानगरपालिका–४ गैह्रापाटन स्थित रहेको पश्चिमाञ्चल माध्यामिक विद्यालयका कक्षा ११ र १२ मा अध्यनरत विद्यार्थी मार्फत अभिमुखिकरण गराइएको हो ।
बिहीबार शुक्लागण्डकी नगरपालिका–४ दुलेगौंडामा भएको कार्यक्रममा पञ्चमुनिदेव मावि, खैरेनी मावि, मंगेलदय मावि र लिटल गार्डेन स्कुलका विद्यार्थी उपस्थित रहेका थिए । कार्यक्रममा निरुता भट्टराईले कानुनको परिचय र महत्व, राजन भट्टराईले लागु औषध सम्बन्धी कानुनी प्रावधान, ईशा राना, आस्था सुवेदी र आरती विकले नेपालको मौलिक हक सम्बन्धी व्यवस्था, रचना शाह र सुर्ती केसीले तमसुक सम्बन्धी जानकारी र पुजा सुवेदीले न्यायिक समितिको काम कर्तव्य र अधिकारको बिषयमा कानुनमा रहेको व्यवस्थाका बारेमा अभिमुखिकरण गराएका थिए ।
सोही कार्यक्रममा ईलाका प्रहरी कार्यालय बेलचौतारका प्रमुख ज्ञानबहादुर खड्काले अपराधीलाई प्रहरीले नभई कानुनले सजाय दिने गरेको बताए । ‘प्रहरीले सञ्चालन गर्ने जतिपनि गतिविधि छन् ति सबै कानुनमा उल्लेख गरिएको व्यवस्थामा केन्द्रित रहेर कारबाही गर्दछौं । हामी त माध्यम मात्र हौं’ उनले भने ।
विद्यालयका प्राध्यापक सरोज कोईरालाको सभापतित्वमा सम्पन्न कार्यक्रममा शुक्लागण्डकी नगरपालिकाका न्यायिक समिति सदस्य थमनबहादुर आले, शुक्लागण्डकी–६ का वडा सदस्य बुद्धिबहादुर थापा लगायतको उपस्थिती रहेको थियो भने विद्यालयका शिक्षक विजयराज अधिकारीले कार्यक्रमको सञ्चालन गरेको थियो ।
