तनहुँ । विश्वकै सबैभन्दा धेरै वायु प्रदूषण भएको सहरको रुपमा काठमाण्डौं अग्र पंक्तिमा रहेको छ । एक्यूआई एक सय ५० भन्दा माथि जानुलाई त्यहाँको हावा मानव स्वास्थ्यका लागि अस्वस्थ रहेको मानिन्छ । यही मापन सूचक अनुसार काठमाण्डौमा अहिले वायु प्रदूषण एक्यूआई एक सय ६२ रहेको हुदाँ वायु प्रदूषण भएको सहरको पहिलो नम्बरमा देखिएको हो ।
विश्वका प्रदूषित सहरहरूको सूचीको दोस्रो नम्बरमा भारतको कोलकत्ता परेको छ । कोलकत्तामा वायु प्रदूषण मापन सूचक एक्यूआई एक सय ५९ रहेको छ । एक्यूआई एक सय ५३ रहेको बङ्गलादेशको ढाका विश्वमा वायु प्रदूषण बढी रहेको देशको सूचीमा तेस्रो नम्बरमा छ ।
