बेलचौतारा । नेपाल कम्युनिस्ट पार्टी (नेकपा) एमालेका उपमहासचिव पृथ्वी सुब्बा गुरुङले नेकपा एमाले नेपाली जनताको आशा र भरोसाको पार्टीरहेको दाबि गरेका छन् । शुक्रबार नेपाल कम्युनिस्ट पार्टी जिल्ला कमिटी तनहुँ अयोजनामा भएको पार्टी प्रवेश र एमाले निरन्तरताको घोषणा सभा बोल्दै सारा नेपाली जनताको मन जित्न सफल पार्टीको रुपमा एमाले रहेको बताए ।
उपमहासचिव गुरुङले एमाले नै नेपालको सबैभन्दा ठुलो पार्टी रहेको हुदाँ नेपाली जनताको महासागर नेकपा एमाले रहेको उनको भनाई छ । साथै एमाले बाघ जस्तो पार्टी रहेको पनि दाबि गरे । ‘नेकपा एमाले बाघ जस्तो पाटी हो । हाम्रो पार्टीलाई कसैसंग तुलना गर्न मिल्दैन । नेपालको रनजनीतिक ईतिहासदेखि नै एमाले सबैको आशाा भरोसाको पार्टी बनेको छ’ उनले भने । विविध कारणबाट नेकपा एमाले फर्कीने कसैलाई पनि भेदभाव नगर्ने उपमहासचिव गुरुङले बताए । शुक्लागण्डकी नगरपालिकामा एमालेमा भएको पार्टी प्रवेशको लर्काेले आगामी स्थानीय तहको निर्वाचनमा नगरमा एमालेले लाल किल्ला गाडिने बताए ।
एमाले फार्कीनेलाई कुनै भेदभाव गरिने छैन् : किरण गुरुङ
नेकपा एमालेका स्थायी कमिटी सदस्य किरण गुरुङले एमालेलाई आफ्नो घर भनेर फर्कीएका कसैलाई पनि पक्षपात नगर्ने बताएका छन् । ‘एमालेमा फर्कनु भएका तपाई कसैलाई पनि हामी भेदभाव गर्ने छैनौ । तपाईहरुको योग्यता र दक्षताको आधारमा हामी पार्टीको जिम्मेवारी हस्तान्तरण गर्ने छौं’ उनले भने । एमालेका स्थायी कमिटी सदस्य गुरुङले एमालेको गतिलाई कसैले पनि छेक्न नसक्ने बताएका छन् । ‘एमाले सती नदि जस्तै हो, यो कहिल्यै सकदैन र यसको गतिलाई कसैले पनि छेक्न सक्दैन’ गुरुङले भने ।
भ्रमको पर्दा च्यातिएको छ : एमाले केन्द्रीय सदस्य न्यौपाने
नेकपा एमालेकी केन्द्रिय सदस्य भगवति न्यौपानेले एमालेमा भएको भ्रमको पर्दा च्यातिएको बताएकी छिन् । विगतमा एमालेमा भ्रम छरे पछि एपाले त्यागेर गएका कार्यकर्ताले सत्यता थाहा पाएको हुदाँ भ्रमको पर्दा च्यातिएको बताईन् । ‘एमालेमा छरेको भ्रमको पर्दा च्यातिएको छ । आज हाम्रा साथीहरु प्यारो घर एमाले नै रहेछ भनि फर्कनु भएको छ’उनले भनिन् । साथै पुष्पकमल दहाल प्रचण्ड र माधव कुमार नेपालको झुटो कुरा धेरै दिन नटिक्ने हुदाँ निकठ भविष्यमा नेपाल र प्रचण्ड एक्लै हुने बताईन् ।
नेपाल कम्युनिस्ट पार्टी जिल्ला कमिटी तनहुँका अध्यक्ष श्रीप्रसाद खनालको सभापतित्वमा सम्पन्न कार्यक्रममा एमालेको केनिद्रय सदस्य सबिता रसाईलि, मुक्ति तिमिल्सेना, लगायतको उपस्थिती रहेको थियो ।
शुक्रबार शुक्लागण्डकी नगरपालिका–५ बेलचौतारमा भएको पार्टी प्रवेश र एमाले निरन्तरताको घोषणा सभा शुक्लागण्डकी नगरपालिका वडा नम्बर ३ र ५ का रामकुमार श्रेष्ठ, दीर्घबहादुर थापा पनि नेकपा एकिकृत समाजवादी त्याग्दै एमाले प्रवेश गरेका छन् । यसै गरि नेकपा एकिकृत समाजवादी जिल्ला सदस्य कमल ढकाल पनि एमाले प्रवेश गरेका छन् । उनका अनुसार एकिकृत समाजवादी तनहुँ जिल्लाको ६० सदस्य मध्य ४५ जना सदस्यहरु एमालेमा प्रवेश गरेका छन् ।
