बेलचौतारा । नेपाली कांग्रेसका पूर्व सहमाहामन्त्री एवम विपि विचार समाजका केन्द्रिय उपाध्यक्ष गोबिन्दराज जोसीले रामचन्द्र पौडलको कारण तनहुँ जिल्ला नेपाली कांग्रेस समाप्त भएको बताएका छन् । मंगलबार विपि विचार समाज शुक्लागण्डकी नगरपालिकाको प्रथम साधारण सभा एवम् अधिवेशनमा बोल्दै पौडेल उक्त वक्तव्य दिएका हुन् ।
‘रामचन्द्र पौडेल बामपन्थीबाट कांग्रेसमा फाईदा हुन्छ भनेर कांग्रेसमा आयो । कांग्रेसमा आए पछि पनि कहिले कता कहिले कता लागेर फाईदा लिईरहेका छन् । जस्को कारणबाट तनहुँ जिल्ला नेपाली कांग्रेस समाप्त भएको छ’ नेता जोशीले भने । साथै नेता जोशीले आफ्नो परिवारलाई रामचन्द्र पौडेलको परिवारसंग तुलना गर्न अपमानजनक रहेको बताएका छन् । ‘नेपालको प्रजातान्त्रीक आन्दोलनमा रामचन्द्र पौडेल बाहेक अरु कुनै उनको परिवारको योगदान छैन् । र मेरो समग्र परिवार योगदान छ प्रजातान्त्रीक आन्दोलनामा । त्यो दुईओटा परिवार विचमा तुलना हुदाँ मैले आफुलाई अपमानित भएको सम्झन्छु । मलाई कुन पदको खाचो भएर होईन, मान्छेले आफ्नो अपमान सहन सक्दैन’ उनले भने ।
नेता जोशीले आउदो स्थानीय तहको निर्वाचनमा कांग्रेसका क्रियाशिल सदस्यले रोजेको व्यक्तिलाई पार्टीले टिकट निदुपर्ने बताए । ‘जुनसुकै वडाको वडासभापतिलाई टिकट दिदाँ खेरी त्यो वडाका कांग्रेसका क्रियाशिल सदस्य जस्लाई भन्छन् त्यसलाई टिकट दिने, नगरभरीका क्रियाशिल सदस्यले जस्लाई भन्छ त्यसलाई टिकट दिउँ, तर उहाँहरु तयार हुनुहुन्न । त्यसमाथि हाम्रा मान्छेले पाउँनुहुन्न अरे । उहाँहरुले टिको लगाउँने, पैसाले टिकट बेच्ने, अनि हामी झोला बोकेर हिड्ने । यो कुरा अब सम्भव हुदैन’ उनले भने ।
मंगलबार भएको विपि विचार समाज शुक्लागण्डकी नगरपालिकाको प्रथम साधारण सभा एवम् अधिवेशनबाट रेसमबहादुर गिरी सभापतित्वमा ११ सदस्यीय नगर समिति गठन भएको हो ।
समितिको उपसभापतिमा मुलेराज गिरी र संञ्जिब राई, सचिवमा देबबहादुर गुरुङ, कोषध्यक्षमा नरदेवी गुरुङ र सह सचिवमा प्रकाशचन्द्र पौडेल चयन भएका छन् । यसै गरि सदस्यहरुमा सुनिल बसैला, कृष्णप्रसाद अधिकारी, कृष्णराज अधिकारी, होमबहादुर र रोहीत गुरुङ चयन भएका छन् ।
