भिमाद, युवा नेता तथा समाजसेवी सत्य भक्त पालीखेले भिमाद नगरपालिका वडा नं ७ स्थित बाल विद्याश्रम प्राथमिक विद्यालयमा अध्ययन सम्पूर्ण बिद्यार्थीहरुलाई शैक्षीक , खेलकुद र स्वास्थ्यका सामाग्री वितरण गरेका छन् ।
सोमबार एक कार्यक्रमको बीच भिमाद ७ सिस्नेरीमा रहेको बाल विद्याश्रम प्राथमिक विद्यालयका ४६ जना बिध्यार्थीहरुलाई ६० हजार बराबरको ४६ थान स्वीटर , ५० / ५० दर्जन कपी कलम , ५ लिटर सेनिटाइजर , ५ थान मास्क , ३.१५ लिटर लिक्विड ह्यान्डवास , ४ थान वल , ३ थान चार्ट बुक , ५ थान स्किपिङ प्राप्त भएको विद्यालयकी प्रधानाध्यापक दिल माया गोतामेको जानकारी दिनुभयो । भिमाद नगरपालिका भित्रै रहेर पनि ओझेलमा परेको साथै , निम्न आय भएका विद्यार्थीहरुले अध्ययन गर्ने थलो रहेको बाल विद्याश्रम विद्यालयका विद्या्थीहरुलाई जाडो याममा न्यानो स्वीटर साथै शैछिक र खेलकुद र स्वास्थ्यका सामग्री सहयोग गरेको सत्य भक्त पालिखेले बताउनु भयो । साथै उहाँले आगामी दिनमा पनि विद्यालयलाई आवश्यक पर्ने सहयोग गर्नका लागि सदैव तत्पर रहने बताउनु भयो ।
साथै सो अवसरमा नेपाली काँग्रेस भिमाद नगरपालिकाका सभापति अरबिन श्रेष्ठले विद्यालयको स्तरुन्नतिको लागि आफु सधैं सकरात्मक रहेको र आफूले सकेको सहयोग गर्ने बताउनु भएको थियो । विद्यालयका विद्यार्थीहरुलाई गरेको सहयोग प्रति विद्यालय व्यवस्थापन समितिका अध्यक्ष रामचन्द्र भण्डारीले धन्यवाद ज्ञापन गर्नु भएको थियो ।
