दुलेगौंडा । शहीद दिवसको अवसरमा नेपाली कांग्रेसको भातृ संगठन तरुण दल शुक्लागण्डकी–२ ले कोत्रेमा रहेको शहीद लालध्वज पर्कमा दिप प्रज्वलन गरेको छ ।
नेपाली कांग्रेस शुक्लागण्डकीका नगर सभापति गोपिबहादुर गुरुङ शहिदले दिएको योगदानले देशमा प्रजातन्त्र आएको बताए । साथै, युवाहरुले शहीदको योगदानलाई आत्मसाथ गरी अगाडी बढेन आग्रह गरे ।
तरुण दलका अध्यक्ष दिनेश परियारको सभापतित्वमा सम्पन्न कार्यक्रममा नागरिक समाजका अध्यक्ष खेमराज खनाल, नेपाली कांग्रेसका युवा नेता सुमन राना, क्षेत्रिय प्रतिनिधि गणेश गुरुङ, माया गुरुङ, किसान थापा, नेवि संघका नेता युनिक लम्साल, नेपाली कांग्रेसका वडा सदस्य ददिराज ढुंगाना, विजय खनाल, लोकबहादुर परियार, लगायतले सामुहिक रुपमा दिप प्रज्वलन गरिएको थियो भने तरुण दलका उपाध्यक्ष ईश्वर रिमालले कार्यक्रमको संञ्चालन गरेका थिए ।
