बेलचौतारा । सवारी दुर्घटनापछि फरार रहेको दोषिलाई प्रहरीले कारबाहीको दायरामा ल्याउछ भन्ने आश पिडित पक्षलाई हुन्छ । तर, दुर्घटनापछि लामो समयसम्म पनि प्रहरीको अनुसन्धानमा ढिलाइ हुदाँ पिडित पक्षमा आक्रोशको पैदा हुन्छ नै । यस्तै घटना भएको छ तनहुँमा । १५ दिन अगाडी अर्थात २३ पुसमा भएको सवारी दुर्घटनाको दोषिलाई प्रहरीले पत्ता लगाउन नसक्दा पिडित पक्ष आक्रोशित छन् ।
राती ११ बजेको आसपासमा घर फर्कने क्रममा पृथ्वी राजमार्गको बेलचौतारा स्थित ब्राईटचोकमा शुक्लागण्डकी–७ का ३१ बर्षीय स्कुटर चालक शंकर शर्मालाई एक सवारीले ठक्कर दिएर भागेको थियो । शर्मा सवार ग १३ प ५०६७ नम्बरको स्कुटरलाई ठक्कर दिने सवारी र चालकको प्रहरीले १५ दिनसम्म पनि पत्ता लगाउन सकेको छैन् । शुक्रबार पिडीत पक्षले ईलाका प्रहरी कार्यालय बेलचौतारामा अनुसन्धानको बिषय बुझ्न पुगे । उनीहरुले छिटो दोषिलाई पत्ता लगाएर कारवाही गर्नुपर्ने आवाज उठाए ।
घाईते शंकरकी आमा बसुन्धरा शर्माले घटना भएपछि प्रहरीले समयमा नै अनुसन्धान सुरु नगरेको कारण दोषि पत्ता लगाउन ढिलाई भएको बताईन् । ‘घटना भएपछि तत्कालै कोत्रेमा फलो गर्नु सक्नुहुन्थ्यो । थर्पुमा फलो गर्न सक्नुहुन्थ्यो । दमौली गर्न सक्नुहुन्थ्यो । डाँडाकोनाकमा पनि भन्न सक्नुहुन्थ्यो होला । तर उहाँहरुको ढिलासुस्ति भयो । कमिकमजोरी नि धेरै नै भयो’, उनले भनिन्, ‘प्रहरीले मेरो छोरालाई हस्पिटल पनि लानु भयो । उहाँहरुले उद्धार पनि गर्नु भयो यसमा नराम्रो भयो म भन्दिन । तर पनि उहाँहरुले अलिकति पहल गर्न भने नसक्नु भएकै हो । कुनै दबाबमा पर्नु भयो कि उहाँहरुको भित्री आत्मा के छ हामीले बुझ्ने कुरा नि भएन ।’
दुर्घटनामा संग्लन सवारी र चालकको अवस्था पत्ता लागे नलागेको बुझ्न तीन÷चार पटक सम्म प्रहरी कार्यलय धाए पनि कुनै जानकारी प्राप्त नभएको घाईतेका बुबा शेखर शर्माले बताए । शुक्रबार टोल विकास, नागरिक समाज, वडाध्यक्ष, राजनैतिक दलहरुलाई बोलाएर जानकारी लिन खोजे पनि प्रहरीले खुलेर जवाफ नदिएको उनले बताए । ‘दुर्घटना हुने बित्तिकै चेक पोईन्टमा फोन गरेको भए ठक्कर दिने गाडी बाहिर उम्किनै पाउदैनथ्यो । यसमा प्रहरीले ढिलाई ग¥यो । दोस्रो कुरा, घाईतेको किन मोबाईल लिन पथ्र्याे । फोन गर्छु मेरो साथिलाई, निकासिमा मेरो दुई जना साथि छन् भन्दा प्रहरीले हातको मोबाईल समेत खोसेर राख्नुभएछ’, छोराको भनाईलाई उदृत गर्दै उनले भने ।
यता ईलाका प्रहरी कार्यलय बेलचौताराका प्रहरी प्रमुख प्रहरी निरिक्षक ज्ञानबहादुर खड्काले घटना भएको ५/७ मिनेट भित्रै प्रहरी घटना स्थलमा पुगेर घाईतेलाई अस्पताल सम्म पु¥याएको बताए । उनले कस्तो सवारीले ठक्क्र दिएको हो भन्ने यकिन नहुदाँ तत्काल फलोअप गर्नुे कुरामा प्रहरीको कमजोरी स्विकारे । ‘सुरुमा खबर आउदाँ कस्तो सवारीले ठक्कर दियो । कसरी दुर्घटना हुन पुग्यो भन्ने बिषयमा घाईतेले पनि भन्न नसक्ने अवस्था थियो । त्यहाँ रहेका अरु मान्छेले पनि केही भन्न सक्नु भएन । यस्तो भएपछि तत्काल गाडी रोक्ने कुरामा चाही कम्जोरी भएको हो’, उनले भने ।
दुर्घटना भएपछि प्रहरीले सिसि क्यामेरा हेर्दा ट्रक हो भन्ने आशंका गरिएको उनले बताए । दुर्घटना गराउने सवारीले फोर्स लाईट बाल्दा कति नम्बरको सवारी साधन हो भनेर कहीँ पनि थाहा पाउन नदेखिएको खड्काले बताए । प्रहरीले घटनाको बिषय अनुसन्धानको क्रममा रहेको र कुनै दबाब प्रलोभनमा नपरेको उनको प्रस्टोक्ति छ । ‘अनुसन्धानमा हामी ईमान्दार पूर्वक लाग्ने हो । अनुसन्धानको बिषय भनेको आजै, एक घण्टैमा, भन्ने हुदैन । गर्दै जादाँ दिन, हप्ता, महिना, बर्ष पनि लाग्न सक्छ । ढिलो चाडो तथ्य बाहीर निस्कन्छ’, उनले भने । अहिले प्रहरीले घटनाको समयमा चेक पोष्टमा भएको डाटा इन्ट्रि संकलन गरी अनुसन्धानलाई तिब्रता दिएको प्रहरीले जनाएको छ ।
