स्याङ्जा । लायन्स क्लब अफ दुलेगौंडा खैरेनी सिटी र लियो क्लब अफ दुलेगौंडा खैरेनी सिटीले ग्रामिण क्षेत्रका विद्यार्थीलाई न्यानो कपडा, टिफिन बक्स र शैक्षिक सामाग्री वितरण गरेको छ । सोमबार स्याङ्जाको पुतलिबजार नगरपालिका–६ दाङ्गलिङ्ग काउलेमा रहेका शिशु कल्याण जनप्रिय आधारभुत विद्यालयमा अध्ययनरत ७३ विद्यार्थीहरुलाई उक्त सामाग्री हस्तान्तरण गरिएको थियो ।
कार्यक्रममा बोल्दै मोडेल भिलेज चिफ तनहुँका प्रमुख कृष्णप्रसाद पौडेलले तनहुँ, स्याङ्गजा र कास्कीको सिमानामा रहेर पनि विद्यालयको सुधार र विकास गर्नका निम्ति कसैको नजर पुग्न नसकेको बताए । उनले विद्यालयमा लायन्सको आगमन भएको हुदाँ आफुहरुको लागि विद्यालयको ढोका सधै खुल्ला रहने र क्लबले पनि बर्षेनी सहयोग गरिरहने प्रतिबद्धता ब्यक्त गरे ।
विद्यालय पढाउदै गर्दा विद्यार्थीको अनेकन समस्या देख्दा विद्यालयले उक्त समस्याको समाधान गर्न नसकेको विद्यालयका प्रधानाध्यापक यमबहादुर खवासले बताए । कार्यक्रम भावुक हुदै भने ‘मैले पढाउदै गर्दा तेरे ईलेजर एकैछिन् लेन, तेरो एकपन्ना कपि मलाई लेन, तेरो कलमको ठुटा भएनि लेन भनेको देखिन्छ र सुनिन्छ पनि । तर विद्यालयको स्रोत नहुदाँ हामीहरुले केही गर्न सकिरहेका थिएनौ । पछिल्लो समय जाडो बढ्दै जादाँ एउटाले अर्काको टोपि थुत्दिने, गल्बन्धी थुत्ने लगायतका घटनाहरु हामीले देख्छौ । तर केहि गर्न सकिरहेका थिएनौं । यहाँको यो राहातले असाधै ठुलो खुसी मिलेको छ ।’
विद्यालयका प्र.अ खबासले विद्यार्थीको शैक्षिक स्थिती माथि उकास्न कोसिस गरेता पनि विद्यार्थीको अनेकन समस्याका कारण सअफल भईरहेको बताए । ‘मेरो विद्यालयका ९० प्रतिशत विद्यार्थीलाई अबको ५ बर्ष भित्र ए प्लस ल्याउनुपर्छ भन्ने योजना पनि राखेको छु । त्यहि किसिमले म मरिमेटेको छु । तर त्यस्को लागि वातावरण चाहिन्छ । यस्तो वातावरण निर्माण गर्नका लागि यहाँहरु जस्तो लायन्सको सहयोग चाहिन्छ । हामीले अझैपनि तपाईहरुप्रति आशाको आँखाले हेरेका छौं’, उनले भने । विद्यालयमा पिउने पानिको लागि जार, खेल्नको लागि भकुण्डो लगायतका समस्याहरु रहेको बताए ।
प्रधानाध्यापक खवासले विद्यालयका समस्याहरु सुनाएपछि लायन्सका मोडेल भिलेज सहायक चिफ झसलप्रसाद शेरचनले दुई थान भकुण्डो, लायन्सका पूर्व अध्यक्ष नारायणकुमार श्रेष्ठले प्रत्यक कक्षामा जारको व्यवस्था गरिदिने जिम्मा लिए । साथै उक्त कार्यक्रममा क्लष्टर १४ का चिफ सन्तोस घिमिरे,जोन ६२ का जोज चियर पर्सन लायन्स वरदान क्षेत्री लगायतले विद्यालयको शैक्षिक क्षेत्रको सुधार गर्नका लागि आवश्यक क्षेत्रमा पहल गर्ने बताए ।
क्लबका अध्यक्ष फणिन्द्र पौडेलको सभापत्तिवमा सम्पन्न भएको कार्यक्रममा विव्यस अध्यक्ष, लेखबहादुर गुरुङ, लियो क्लबका अध्यक्ष प्रेमराज तिवारी, लायन्सका टिकाराम श्रेष्ठ, रामप्रसाद लम्साल, शम्भु पौडेल, विवेक वाग्ले, शिक्षाविद हरिकुमार श्रेष्ठ लगायतले विद्यालयमा पुगेर उक्त सामग्री हस्तान्तरण गरेका थिए ।
