बेलचौतारा– भानुभक्त बहुमुखी क्याम्पसको स्नातक तह चौंथो बर्षमा अध्यनरत विद्यार्थीलाई विदाई गरिएको छ । शुक्लागण्डकी नगरपालिका–५ बेलचौतारामा रहेको क्याम्पसमा स्नातक तह प्रथम, दोस्रो र तेस्रो बर्षका विद्यार्थीको संयुक्त आयोजनामा एक कार्यक्रम गर्दैै विदाई गरिएको हो ।
कार्यक्रममा बोल्दै क्याम्पस प्रमुख रमेशबहादुर अधिकारीले क्याम्पसको लागि विद्यार्थीहरुले दिएको योगदान अविस्मरणीय रहेको बताए । उनले आगामी दिनमा क्याम्पसको विकासमा एकजुट भएर अगाडी बढ्न अनुरोध गरे ।
विएड र विविएस तहमा अध्यनरत ६८ जना विद्यार्थीलाई मायाको चिनो दिएर सम्मानका साथ विदाई गरेको छ । विएड दोस्रो बर्षका विद्यार्थी सुजन तिमिल्सेनाको अध्यक्षतामा भएको कार्यक्रममा सुजता क्षेत्रीले स्वागत र स्नातक तह चौथो बर्षका विद्यार्थी श्रीराम शर्मा मरासेनीले धन्यवाद मन्तव्य दिएका थिए ।
