खैरेनीटार । नेपाल कम्युनिष्ट पार्टी एकिकृत समाजवादी शुक्लागण्डकी नगरपालिका ७ मा रामबहादुर क्षेत्री थापा चयन भएका छन् । शुक्रबार शान्तिनगरमा भएको वडा भेलाबाट क्षेत्री थापा सहित ३५ सदस्यीय वडा कमिटी गठन भएको हो । कमिटीको सचिवमा धिरज खत्री चयन भएका छन् ।
सोही भेलाबाट युवा संघ नेपाल वडा कमिटी पनि गठन भएको एकिकृत समाजवादीका नेता दीर्घबहादुर थापाले बताए । उनका अनुसार समितिका अध्यक्षमा लक्षमण क्षेत्री र सचिवमा सुरज खत्री सहित ५५ सदस्यीय वडा कमिटी गठन गरिएको हो ।
कार्यक्रममा नेकपा एकिकृत समाजवादीका केन्द्रीय सदस्य एवम् तनहुँ जिल्ला इन्चार्ज चित्र थापा, तनहुँ जिल्ला उपाध्यक्ष थमन आले, जिल्ला सदस्य दुर्गाकुमार श्रेष्ठ, कमल ढकाल, रेशम सेन्चुरी, सन्तोष वाग्ले, दीर्घबहादुर थापा, युवा संंघ नेपाल केन्द्रिय सचिब कमल गैह्रे, अनेरास्ववियुका केन्द्रिय सदस्य गोविन्द महत र जिल्ला नेता सुसन पौडेल लगायतले शुभकामना मन्तव्य राखेका थिए ।
