बेलचौतारा । नेकपा एमालेको विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्वीयु) शुक्लागण्डकी नगर कमिटिले जिपी कोईराला राष्ट्रिय श्वासप्रश्वास उपचार केन्द्र बेलचौतारामा सरसफाई कार्यक्रम गरेको छ ।
बुधबार नेकपा एमालेको १० औं राष्ट्रिय महाधिवेशनको पूर्व सन्ध्याको अवसरमा कमिटिले अस्पताल परिसर वरपर सरसफाई गरेको कार्यक्रम संयोजक कंञ्चन विकले बताईन् । उनका अनुसार महाधिवेशनमा भित्ते लेखन र अन्य परम्परागत विधिबाट प्रचारप्रसार नगरि रचनात्मक रुपबाट प्रचार प्रसार गरेको बताईन् ।
कार्यक्रममा अनेरास्ववीयु जिल्ला सदस्य विवेक वाग्ले, प्रतीक्षा गिरी, अनिश जंग ठकुरी, निखिल शर्मा, अञ्जना अधिकारी, रेनु श्रेष्ठ, सुरज के सि, कृष्ण कार्की लगायतको उपस्थिती रहेको थियो ।
