बेलचौतारा । शुक्लागण्डकी बचत तथा ऋण सहकारी संस्थाले बार्षिक कार्यक्रम अन्र्तगत शुक्रबार विपन्न वर्गका विद्यार्थीहरुलाई न्यानो कपडा वितरण छ । चिसोको कारण विद्यार्थी विद्यालय आउन नसक्ने अवस्था सिर्जना नहोस् भनेर सहकारीले जनकल्याण माध्यमिक विद्यालय, बेलचौतरामा कक्षा १ देखि ५ सम्मका अध्ययन गर्ने १७० जना विद्यार्थीहरुलाई स्वीटर वितरण गरेको हो ।
कार्यक्रममा विद्यालय व्यवस्थापन समितिका अध्यक्ष दुर्गाकुमार श्रेष्ठले विद्यार्थीहरुका लागि न्यानो कपडा वितरण गरेकोमा धन्यवाद दिदै चिसोका कारण विद्यालय आउन नसक्ने अवस्था हट्ने विश्वास व्यक्त गरे । कार्यक्रममा विद्यालयका दीपक ढकाल र सहकारीका उपाध्यक्ष सुर्यमणी लामिछाने लगायतले बोलेका थिए ।
