बेलचौतारा । नेकपा (एकीकृत समाजवादी) निटक विद्यार्थी संगठन अनेरास्ववियू तनहुँ जिल्ला कमिटीले शुक्लागण्डकी नगरपालिका–५ बेलचौतारामा रहेको भानुभक्त बहुमुखी क्याम्पसमा तातोपानीको लागि गिजर जडान गरेको छ ।
जाडोको समयमा चिसो पानीले विद्यार्थी स्वास्थ्यमा असर पर्ने हुदाँ गिजर जडान गरेको कमिटीका अध्यक्ष सुमन श्रेष्ठले बताए । ‘हामीले क्याम्पस प्रशाशनमा पनि कुरा राखेका थियौ । त्यहाँबाट यो काम हुन नसकेपछि विद्यार्थीको आवश्यकतालाई मध्यनजर गरि हामीले गिजर जडान गरेका हौं ।’उनले भने ।
ेष्ठले अनुसार क्याम्पसमा विद्यार्थीहरु टाढा बाट आउने हुदाँ उनिहरुको लागि बसको व्यवस्था, विद्यार्थीहरुको लागि छात्रावृत्तीको व्यवस्था लगायतका बिषयमा क्याम्पस प्रशाशनसंग समन्वय गरेर अगाडी बढ्ने छ ।
आज विहान भएको कार्यक्रममा कमिटीका अध्यक्ष श्रेष्ठ, विद्यार्थी नेता गोविन्द महत क्याम्पस प्रमुख रमेश बहादुर अधिकारी लगायतको उपस्थिती रहेको थियो ।
