दुलेगौंडा । शुक्लागण्डकी जेसिस सप्ताह कार्यक्रम अन्र्तगत आज जिल्लाको शुकलागण्डकी नगरपालिका–२ गाछेपानीमा रहेको प्रसिद्ध धार्मीक स्थल मुक्तिनाथ शुक्लागण्डकी च्यवनधाममा डस्बिन वितरण गरेको छ ।
मन्दिर सबैको साझा थलो रहेको हुदाँ जेसिजले सरसफाई तथा डस्बिन वितरण कार्यक्रम गरेको कार्यक्रम संयोजक पुकार श्रेष्ठले बताए । उनका अनुसार मन्दिरलाई दुई वटा गमला सहित धुपीको विरुवा, कुचो लगायतका सामाग्री सहयोग गरिएको छ ।
जेसिजको बार्षिक योजना अनुसार सप्ताह कार्यक्रम हिजो (मंगलबार) र आज विविध कार्यक्रम गरि समपन्न गरेको छ । मंगलबार जेसिसले शुक्लागण्डकी नगरपालिका–९ मा रहेको ढोरबाराही मन्दिरमा डस्बिन बितरण, शुक्लागण्डकी नगरपालिका–८ मुस्ताङ वस्तीस्थित दुर्गा प्राविका विद्यार्थीलाई शैक्षिक समाग्री हस्तान्तरण र दुलेगौंडामा रहेका शान्ता विकको दुई महिने शिशु प्रकाश वि।कको उपचारको लागि आर्थिक सहयोग गरेको थियो।
