शुक्लागण्डकी जेसीज बर्ष २०२१ को जेसीज सप्ताह कार्यक्रम कार्तिक ३० गते मंगलबार शुरु हुने भएको छ ।
सप्ताहको प्रथम दिन शुक्लागण्डकी ९ मा रहेको ढोरबाराही मन्दिरमा उद्घाटन तथा सामाग्री बितरण कार्यक्रम रहेको महासचिब अनिश ढकालले बताए । जेसीजले आफ्नो सामुदायीक सेवा क्षेत्र अन्तर्गत हरेक बर्ष सप्ताह गरी बिभिन्न कार्यक्रमहरु गर्दै आईरहेको छ । सप्ताह अन्तर्गत भोलिनै ढोरबराही मन्दिरमा सरसफाई सामग्री र बिरुवा बितरण गरिने भएको छ । साथै सोहि दिन शुक्लागण्डकी ८ दुर्गा प्रा.बि. शैक्षिक सामग्री बितरण गरिने समेत उनले बताए ।
बार्षिक रुपमा गरिने सप्ताह अन्तर्गत बिभिन्न कार्य्रक्रम माफत सामाजिक क्षेत्रमा योगदान दिदै आएको जेसिजले यस वर्ष पनि थुप्रै कार्यक्रम गरी सकेको सप्ताहका मूल संयोजक जेसी रमेश भण्डारीले बताए । उनले भोलि हुने उद्घाटनका समारोह सहभागी हुनका लागी अनुरोध समेत गरे । मन्दिरमा सरसफाई सामग्री हस्तान्तरण बाहेक आर्थिक सहयोग, सरसफाई कार्यक्रम समेत रहेको भण्डारीले बताए ।
