हरि खरेल / दुलेगौंडा । सानै उमेरमा मिर्गाैला समस्या देखीएका दुई महिले शिशु प्रशान्त विकको उपचारका लागि शिशुका आमा शान्ता विकले सहयोगको अपिल गरेकी छिन् । दैलेखको ठाटीकाँध गाउँपालिका–४ गैरागाउँ घर भई विगत ३ बर्ष अगाडीदेखी तनहुँको शुक्लागण्डकी नगरपालिका–४ दुलेगौंडा बस्दै आएकी शान्ताले परिवारको आर्थिक अवस्था कमजोर रहेका कारण उपचार गराउन नसकेपछि सहयोगको लागि अपिल गरेकी हुन् ।
विकले गत भदौ १६ गते पश्चिमाञ्चल क्षेत्रीय अस्पताल पाेखरामा दाेस्राे रुपमा प्रशान्तलाई जन्म दिईन् । जन्म पूर्व आठ महिनामा पेटको भिडियो एक्स–रे गर्दा बच्चाको मिर्गौला र पिसाब नलि समस्या आएको विकले बताईन । त्यस पछि बालक जन्मेको भोलिपल्ट अस्पतालले भिडियो एक्स–रे गर्याे । जहाँ बालकको पिसाब नलि साँघुरो भएर सुन्निएको रिर्पाेट आएको सुनाईन् । रिपोर्ट पछि अस्पतालले डेढ महिना भित्र अपरेशन गर्नुपर्ने बताएपछि पिसाब नलिमा पाइप हालेको विकको भनाई छ ।
अस्पतालले बालकको पिसाब नलिमा पाईप हालेको १३ दिनपछि पाईप खुस्कियो । त्यसछि विकले बालकलाई पूनः अस्पताल लैजादाँ अस्पतालले जिम्मा लिन नसकेकोे सुनाईन् । ‘पाइप हाल्न सम्भव छैन् । दुई वटै पिसाब नलि साँघुरो छ । भित्र पाइप हालनु पर्छ, त्यसका लागि तपाईले पैसा जम्मा गर्नुपर्छ । ग्यारेन्टि लिन्नौ हामी तर कोसिस गर्छौं ।’ अस्पतालले भनेको कुरा सुनाउदै भनिन् ‘आज विहान डाक्टरसंग कुरा हुदाँ–हुनेभएत भईहाल्थ्यो नि, बाल कान्तिमा लैजाउ अहिले पिसाब फेरीरहेको छ । भोलि ड्यामेज हुने सम्भावना बढी छ । दुईवटै मिर्गाैला फुल्लीसकेको छ । बच्चालाई यहाँ नराख ।’
शान्ताका श्रीमान तपेन्द्रले दैनिक ज्याला मजदुरी गरेर आएको पैसाले घरखर्च चलाउछन् । बालकको पिसाब नलिमा समस्या आए पछि भएका पैसा पनि उपचार खर्चमा नै सकिएको विकले सुनाईन् । उनका अनुसार अहिले रासनपानको लागि समेत पैसा दिन नसक्ने स्थिती छ । अबको केही समय सम्म उपचार नगरि राखेमा शिशुको मिर्गाैला ड्यामेज हुने खतरा छ ।
शान्ताका दुई सन्तान मध्य १६ महिने जेठो छोरा प्रकाशको पनि टाउको समान्य व्यक्तिको भन्दा ठुलो छ । उमेर अनुसार शारीरिक वृद्धि विकास हुन सकेको छैन् यसले गर्दा हिड्डुल पनि गर्न नसक्ने अस्था छ । शान्तालाई छोराको उपचार गराउने आशा भएता पनि आर्थिक अभाव उनको अगाडी पर्खाल बनेर बसेको छ । यसैले उनले आफ्ना छोराको उपचारमा सघाउनका लागि आर्थिक सहयोगको लागि अपिल गरेकी छिन् ।
