दुलेगौंडा । शुक्लागण्डकीसहित म्याग्दे, भिमाद, रिसिङ र घिरिङमा आज दिनभर विद्युत नआउने भएको छ ।नेपाल विद्युत प्राधिकरण लेखनाथ वितरण केन्द्रले दमौली सवस्टेसनबाट खैरेनीटार सवस्टेसनसम्मको ३३ केभि प्रसारण लाईनको छेउ छाउमा रहेका रुखका हाँगाहरु र बांस काट्न लागेकाले विद्युत सेवा अवरुद्ध हुने भएको हो ।
शुक्रवार प्राधिकरणले जारी गरेको सुचना अनुसार आज विहान १० बजेदेखि साँझ ५ बजेसम्म विद्युत बन्द हुने भएको छ ।
खैरेनीटार सवस्टेसन बाट हाल तनहुँ निर्वाचन क्षेत्र नं. २ क, ख र नवलपुर निर्वाचन क्षेत्र नं. २ क का उपभोक्तामाझ विद्युत वितरण भइरहेको छ । सो क्षेत्र अन्तर्गत शुक्लागण्डकी नगरपालिका, भिमाद नगरपालिका, घिरिङ गाउँपालिका, रिसिङ गाउँपालिका, म्याग्दे गाउँपालिकाका र नवलपुरको बौद्धिकाली र बुलिङ्टार गाउँपालिकाका केहि वडाहरुमा पर्दछन् ।
