हरि खरेल/फिरफिरे । विश्वव्यापी महामारीको रुपमा फैलिएको कोरोना भाईरसले देशभर पर्यटकीय गन्तव्य सुनसान बने । पछिल्लाो समय महामारीको प्रभाव कम हुदाँ पर्यटकीय गन्तव्यमा पर्यटकहरुको चहलपहल बढ्दो छ । तनहुँको पनि बन्दिपुर, मानहुँकोट, ट्रि हाउस, थाङ्दी झरना, मोहोरीयाको ढुङ्गे बगैचा लगायतका गन्तव्यमा पर्यटक बढीरहेका छन् । तर, जिल्लाको शुक्लागण्डकी नगरपालिका–१२ फिरफिरे घरेडी गाउँको पुछारमा रहेको मिलेनियम गुफामा पर्यटकको चहलपहल बढ्न सकेको छैन् ।
पर्यटकलाई मिलेनियम गुफासम्म पुग्ने सडक सहज नहुदाँ पर्यटक कम आउने गरेको स्थानीय निलबहादुर गुरुङले बाताए । गुरुङका अनुसार सडक निर्माणका लागि वडा÷नगरले लगानी गरेतापनि लगानीको सहि सदुपयोग भएको छैन् । ‘वडाले गुफासम्म पुग्नका लागि सहज वातावरण सिर्जना गरिदिए पर्यटकहरु लर्काे लागेर आउँछन्’, उनले भने, ‘वडाले पुर्वाधार निर्माणमा लगानी गरेपछि अनुगमन गर्दैन् । स्थानीयले पनि गुफाको बिषयमा चासो दिएनन् । यसले गर्दा गुफा ओझेलमा प¥यो।’
गुफामा आन्तरीक तथा बाह्य पर्यटक बढ्दै गएको बेला कोरोना महामारीका कारण सुस्ताएको मिलेनियम गुफा प्रर्बद्धन समितिका अध्यक्ष प्रेमबहादुर गुरुङले जानकारी दिए । समितिको अध्यक्ष भएपछि सबै काम अध्यक्षले मात्र गर्नुपर्दछ भन्ने स्थानीयहरुको धारण रहेको हुदाँ गुफामा सोचे अनुरुप पर्यटक भित्र्याउन नसकेको उनले बताए । गुरुङका अनुसार महामारी पछि गाउँमा भएका खेलकुद तथा संस्कृतिक कार्यक्रम लगायत अध्ययन तथा अनुसन्धानका लागि आउनेहरुका लागि गुफा खुल्ला गरिएको थियो ।
कोरोना महामारी अगाडीसम्म पर्यटकको राम्रै चहलपहल रहेको मेलिनियम गुफामा महामारी पश्चात भने पर्यटक भित्राउन सकेको छैन् । विगतमा आन्तरी पर्यटकहरुको साथै ट्रेकिङ्ग एजेन्सी माफर्त बाह्य पर्यटक समेत भित्राउन सफल रहेको मेलिनियम गुफा कोरोना महामारिका कारण संञ्चालनमा ल्याउन नसकेको शुक्लागण्डकी नगरपलिका–१२ का वडाध्यक्ष मनराज गुरुङले बताए ।
वडाध्यक्ष गुरुङका अनुसार गाउँमा रहेका सबैलाई कोरोना विरुद्धको खोप उपल्बध गराएपछि होमस्टे, मोलिनियम गुफामा पर्यटक भित्राउने योजनामा रहेको छ । बर्षातको पानीले घडेरीसम्म पुग्न मोटर बाटोहरु सहज नरहेको हुदाँ पर्यटकहरुको चहलपहल न्यून रहेको गुरुङले बताए ।
मिलेनियम गुफा भित्र ढुङ्गाको अनौठो आकृति, झरना, चमेरा आदिले देख्न पाईन्छ । गुफाको छेउमा रहेको झरनाले पर्यटकहरुलाई थप मोहित पार्दछ । विसं. १९७५ सालमा गुफाको पत्ता लागेको यहाँका स्थानीय बताउछन् । गुफा पत्ता लागेको एक सताब्दी बढी भईसके पनि सन्तोसजनक विकास भने भईसकेको छैन् ।
