दुलेगौंडा । सातौं संस्करणको शिवरात्री कपको उपाधि नमुना युवा क्लब गाछेपानीले हात पारेको छ । आइतबार भएको फाइनल खेलमा नमुनाले एक्स सैनिक लेगेसी लहरेपिपललाई १-० गोल अन्तरले पराजित गर्दै उपाधि हात पारेको हाे ।
प्रतियोगितामा जितसंगै नमुनाले नगद ८० हजार साथमा शिल्ड, मेडल र प्रमाणपत्र प्राप्त गरेको छ भने उपविजेता लहरेपिपलले ५० हजार साथमा शिल्ड, मेडल र प्रमाणपत्र प्राप्त गरेको छ ।
प्रतियोगितामा लहरेपिपलका अमिर गुरूङ सर्वाेत्कृष्ट खेलाडी घोषित भए भने नमुनाका आशिक गुरूङ उत्कृष्ट गाेलरक्षक, जिएनजि एफसीका मिलन नेपाली सर्वाधिक गोलकर्ता, नभप्रभातका कृतन कार्की उदयमान खेलाडी र मन्दिप महत अनुशासित खेलाडी घोषित भए ।
कार्यक्रममा बोल्दै शुक्लागण्डकी नगरपालिकाका नगरप्रमुख कृष्णराज पण्डितले युवाहरूलाई एकीकृत गर्नुका साथै दुर्व्यसनीबाट टाढा राख्न खेलकुदका कार्यक्रमले सहयोग पुर्याउने बताए ।
क्लबका अध्यक्ष सन्तोष थापाको सभापतित्वमा सम्पन्न कार्यक्रम नगरप्रमुख पण्डित, शुक्लागण्डकी-९ का वडा सदस्य कमल थापा लगायतले पुरस्कार वितरण गरेका थिए ।
