दुलेगौंडा । सामाजिक कार्यमा सक्रिय रहेको लायन्स क्लब अफ शुक्लागण्डकीले साउन ७ गते वृहत् रक्तदान कार्यक्रम गर्ने भएको छ । मंगलबार पत्रकार सम्मेलन गर्दै लायन्स क्लबले रक्तदान कार्यक्रम सम्बन्धि जानकारी गराएको हो ।
अस्पतालमा हुने रगत अभावलाई कम गर्न क्लबले स्थापना कालदेखि नै बर्षमा एक पटक रक्तदान कार्यक्रम गर्दै आईरहेको लायन्सकन डिष्ट्रिक कोर्डिनेटर बरदान क्षेत्रीले बताए । रक्तदान कार्यक्रममा रक्त सञ्चार केन्द्र पोखराको प्रविधिक सहयोग रहने आयोजकले जनाएको छ ।
लायन्सका अध्यक्ष देवेन्द्र बहादुर ढुङ्गानाको सभापतित्वमा पत्रकार सम्मेलन भएको थियो । कार्यक्रम साउन ७ गते दुलेगौंडा स्थित बन्केवा चोकमा हुने कार्यक्रम संयोजक शंकर पन्तले बताए ।
लायन्स बर्ष २०२२/२३ मा सुमन सापकोटा नेतृत्वको क्लबले २११ पिन्ट रगत सङ्कलन गरी लायन्स क्लब मध्यमा नेपालमा नै सबैभन्दा धेरै रगत सङ्कलन गर्ने क्लब बन्यो । त्यसपछि लायन्स बर्ष २०२३/२४ मा २२२ पिन्ट रगत, लायन्स बर्ष २०२४/२५ मा ३१३ पिन्ट रगत र बर्ष २०२५/०२६ मा ३७३ पिन्ट रगत सङ्कल गरी आफ्नो रेकर्ट आफैले ब्रेक गरिरहेको छ । हाल ४०० पिन्ट रगत संकलन गर्ने लक्ष्य लिएको छ ।
