दुलेगौँडा । अन्नपुर्ण युवा क्लव शुक्लागण्डकी २ कोत्रेले नयाँ बर्ष २०८२को अवसरमा आयोजना गरेको ‘दोस्रो कोत्रे–भुजिकोट–स्थानथोक राष्ट्रिय खुल्ला उकालो दौड प्रतियोगिता २०८१’ मा ओखलढुँङ्गाका टंकबहादुर कार्की प्रथम भएका छन् ।
प्रथम हुन सफल कार्कीले कोत्रे देखि स्थानथोक सम्मको ९ किलोमिटरको दुरी ४३ मिनेट ४० सेकेण्ड ११ मिलि सेकेण्डमा पार गरेका हुन । उक्त प्रतियोगितामा ४३ मिनेट ५५ सेकेण्ड ४० मिलि सेकेण्डमा दुरी पार गरी खोटाङ्गका गजेन्द्र राई द्धितीय र रोल्पाका मनकुमार रोक्का मगर ४४ मिनेट १३ सेकेण्ड ४० मिलि सेकेण्डमा निर्धारित दुरी पार गरी तृत्तिय हुन सफल भए । विजेता प्रथम, द्धितिय र तृतियले क्रमश ३३ हजार ३ सय ३३, २२ हजार २ सय २२ र ११ हजार १ सय ११ मेडल र प्रमाण पत्र पुरस्कार प्राप्त गरे । उक्त दाैड प्रतियाेगितामा कुल १६५ जना धावक सहभागि भएको आयोजकले वताए ।
यसै गरी उक्त दाैड प्रतियोगितामा महिला तर्फ लमजुङ्गकी विपना लामाले १ घण्टा २ मिनेट ३२ सेकेण्डमा दुरी पार गरी प्रथम, लमजुङ्गीकी करुणा गुरुङ्ग १ घण्टा ४ मिनेट २० सेकेन्डमा पार गरेर दोस्रो र तनहूँकी सरस्वती डुम्राकोटीले १ घण्टा ९ मिनेट ५६ सेकेन्डमा उक्त दुरी पार गरी तृतिय स्थान प्राप्त गर्न सफल भईन । विजेताहरुले क्रमश ५ हजार, ३ हजार र २ हजार सहित मेडल र प्रमाण पत्र प्राप्त गरे ।
अन्नपुर्ण यूवा क्लवले दोस्रो पटक आयोजना गरेको उक्त प्रतियोगितामा विजेता भएका सहभागिहरुलाई प्रतिनिधी सभा सदस्य एवं पुर्वमन्त्री शंकर भण्डारी, गण्डकी प्रदेश सभा सदस्य श्यामराजा महत, शुक्लागण्डकी नगरपालिकाका नगर प्रमुख कृष्णराज पण्डित, उप प्रमुख खुमबहादुर विक राजु र शुक्लागण्डकी नगरपालिका २ का वडाध्यक्ष सुमनबहादुर राना समेतले पुरस्कार वितरण गरेका थिए ।
