दुलेगौंडा । तनुहँकाे शुक्लागण्डकीमा भाेलि अर्थात चैत १० गतेदेखि आधारभूत शिक्षा परीक्षा सुरू हुदै छ । यसअघिका बर्षहरूमा सम्बन्धि विद्यालयमा नै परीक्षा केन्द्र ताेकिएर थियो भने यसपटक भने विद्यालय बाहिरका परीक्षा केन्द्रबाट विद्यार्थीले परीक्षा दिने भएका छन् ।
कक्षा ८ अर्थात आधारभूत शिक्षा परीक्षा नगरपालिकाले पहिलो पटक एसइइ पद्धति अनुसार गर्न लागेको हाे । जहाँ १० विद्यालयलाई परीक्षा केन्द्र ताेकिएकाे छ भने १२१९ जना विद्यार्थीले परीक्षा दिन लागिरहेका छन् ।
शुक्लागण्डकी नगरपालिकाका शिक्षा शाखाका अधिकृत सुशील नरालले विद्यार्थी र विद्यालयकाे शैक्षिक अवस्था पहिचान गरि आगामी बर्षका लागि शैक्षिक रणनीति तयार गर्न विद्यालय बाहिर परीक्षा केन्द्र ताेकी परीक्षा लिन लागिएको बताए । उनका अनुसार आधारभूत शिक्षा परीक्षाकाे उत्तरपुस्तिका जाँचदेखि नतिजा प्रकाशन सम्मकाे सम्पूर्ण काम नगरपालिकाबाटै हुने छ ।
परीक्षा हुने दिन र परीक्षा केन्द्र सम्बन्धि विवरण 
