दुलेगौंडा । जिपि कोइराला राष्ट्रिय श्वास प्रस्वास उपचार केन्द्रमा डायलासिस सेन्टरको सफल परीक्षण गरिएको छ । मृगौलाको समस्या भएका विरामीलाई लक्षित गरि निर्माण गरिएको डायलसिस सेन्टरमा बुधबार एक विरामीको सफल रुपमा डायलासिक गरिएको हाे । डायलसिस सेन्टरमा परीक्षण उपचार गर्न दमौली प्रादेशिक अस्पताल र जिपिमा कार्यरत चिकित्सकहरु सहभागि रहेकाे अस्पतालका कार्यकारी प्रमुख डा. रामकुमार श्रेष्ठले जानकारी दिए ।
जिपि अस्तालमा यस क्षेत्रमा सक्रिय विभिन्न लायन्स क्लव अफ खैरेनीटार, म्याग्दे र लायन्सक्लव अफ शुक्लागण्डकी सिस्टर्सको विशेष सहयोग रहेको छ । डायलासिस सेन्टर स्थापना भएपछि शुक्लागण्डकी सहित भिमाद, म्याग्दे, घिरिङ्ग, रिसिङ्ग र हरिनासका विरामीले लाभ लिन सक्ने लायन्स डायलसिस सेन्टर प्रोजेक्टका संयोजक सुजित हिराचनले बताए ।
सेन्टर निर्माणमा शुक्लागण्डकी नगरपालिका लगायत अस्पताल र स्वास्थ्य मन्त्रालयले समेत सहयोग गरेको अपस्पतालले जनाएको छ ।
