शितलवस्ती टोल विकास संस्था पुर्नगठन

दुलेगौडा ।  शुक्लागण्डकी नगरपालिका वडा नं. ९ स्थित शितलवस्ति टोल पुनर्गठन भएको छ । शनिवार आयोजित विशेष भेलाले समितिलाई पुनर्गठन गरिएको नवनिर्वाचित टोल विकास संस्थाका अध्यक्ष रोहित पौडेलले जानकारी दिए ।
“ लामो समयसम्म टोललाई नेतृत्व गर्ने समिति एउटै हुँदा चलायमान हुन नसक्ने र टोल विकास संस्था भनेको एउटा नेतृत्व विकास गर्ने ठाउँ पनि भएको हुँदा समिति पुनर्गठन गरेको अध्यक्ष पौडेलले बताए । शूक्लागण्डकी नगरपालिका वडा नं. ९ का का.बा. अध्यक्ष कमल थापाको प्रमुख आतिथ्यतामा सम्पन्न उक्त कार्यक्रममा टोलमा महत्वपूृर्ण योगदान दिने विभिन्न व्यत्तिहरुलाई पनि सम्मान गरिएको छ । जेष्ठ नागरिक महिला तर्फ ८७ वर्षिया तिलकुमारी थापा, पुरुष तर्फ लालबहादुर भूजेल (क) लाई दोसल्ला ओडाई सम्मान पत्रले सम्मान गरिएको थियो भने पूर्व टोल अध्यक्ष सूर्य बहादुर माक्किमलाई सम्मान पत्र र टोपीले सम्मान गरिएको थियो । समाजेसेवि एबम् अपांगता अधिकार कर्मी दामोदर रेग्मीले समाजलाई सकारात्मक परिवर्तनमा योगदान दिएको भन्दै कदरपत्र र डायरीले सम्मान गरेको छ । टोलमा शुद्ध खानेपानि आपूर्तीमा बाढि पहिरो, झरी वर्षा नभनी निरन्तर खटिइरहने खानेपानिका संरक्षक कृष्ण प्रसाद आचार्य पनि सम्मानित भएका हुन् ।
“लामो समय खानेपानीमा काम गरे , आज आएर समाजमा जनप्रतिनिधिको हातबाट सम्मान ग्रहण गर्न पाउँदा निकै गर्व लागेको छ ” आचार्यले भने । खेलाडी विधा अन्तर्गत सचिन मगर र सपना परियारलाई सम्मान गरिएको छ । शुक्लागण्डकी नगरस्तरीय छैटौ राष्ट्रपति रनिङशिल्ड प्रतियोगितामा समेत तालवेसी मा.वि.बाट ३ स्वर्ण पदक प्राप्त गर्न सफल भएको भन्दै यस क्षेत्रको गौरवलाई बढाएको प्रति उपस्थित महानुभावहरुले समेत प्रशंसा व्यक्त गरेका थिए भने सचिन मगरले नव प्रभात युवा क्लवले आयोजना गरेको शिव रात्रिकप सेभेन ए साइड फुटवल प्रतियोगितामा आफ्नो टिमलाई प्रथम बनाउन सफल भएका थिए । “ खेलाडी भनेका देशका गहना हुन , हामीले उनिहरुलाई उचित सम्मान र होैसला प्रदान गर्नु पर्छ । खेलको माध्यमबाट समाजलाई पहिचान दिलाउन महत्वपूर्ण भूमिका खेलेको हुँदा हामिले सम्मान गरेका हौँ ” शितलवस्ति आमा समुहकि अध्यक्ष एबम् टोल विकास संस्थाकी नि. कोषाध्यक्ष पार्वती रानामगर रोकाले बताइन् । खेलाडि सचिन मगर तालवेसी मा.वि.को कक्षा १२ मा अध्ययनरत विद्यार्थी हुन् भने सपना परियार कक्षा १० कि विद्यार्थी हुन् । समाजमा योगदान दिने व्यक्तिहरुलाई उचित कदर स्थानीय तहबाटै गर्नुपर्नेमा कार्यक्रमका प्रमुख अतिथि शुक्लागण्डकी नगरपालिका वडा नं. ९ का का.वा. अध्यक्ष कमल थापाले वताउनु भयो । कार्यक्रममा बाराही आंखा सामुदायिक वनका अध्यक्ष खेमराज सुवेदी, समाजसेवी राजेन्द्र खाती, शितलवस्ति आमा समूहकी अध्यक्ष पार्वती रानामगर रोका, शितलवस्ति गाउँ सुधार समितिका तत्कालिन अध्यक्ष रविलाल पौडेल ‘निश्चल’ लगायतले शुभकामना राखेका उक्त कार्यक्रमको स्वागत मन्तव्य विष्णुमायाँ गौतमले गरेकी थिइन् भने कार्यक्रम सञ्चालन दामोदर रेग्मीले गरेका थिए