दुलेगौंडा । शुक्लागण्डकी नगरपालिका शिक्षा युवा तथा खेलकुद शाखाले आयोजना गरेको शिक्षक हाजिरीजवाफ प्रतियोगितामा जनशिशु कल्याण आधारभूत विद्यालय प्रथम भएको छ । प्रतियोगितामा सहभागि २० विद्यालयलाई पछाडि पार्दै जनशिशुले जित हासिल गरेको हो । जितसंगैं जनशिशुका शिक्षक समूहले नगद ५ हजार साथमा प्रमाणपत्र प्राप्त गरेका छन् ।
यसैगरी प्रतियोगितामा पञ्चमुनिदेव माध्यमिक विद्यालय द्धितीय भएको छ भने जनप्रेमी माध्ध्यमिक विद्यालय तृतीय भएको छ । द्धितीय भएको पञ्चमुनिका शिक्षक समूहले नगद ४ हजार साथमा प्रमाण पत्र प्राप्त गरेका छन् भने तृतीय भएको जनप्रेमीका शिक्षक समूहले ३ हजार साथमा प्रमाणपत्र प्राप्त गरेका छन् ।
शिक्षक हाजिरिजबाफ प्रतियोगितालाई सम्बोधन गर्दै शुक्लागण्डकी नगरपालिकाका नगर प्रमुख कृष्णराज पण्डितले यस हाजिरिजबाफ प्रतियोगिताले शिक्षकमा थप बिषयवस्तुको ज्ञान ताजा हुनुका साथै शिक्षकको पेशागत दक्षता पनि वृद्धि हुने बताए ।
प्रतियोगितामा विजेता विद्यालयका शिक्षकलाई शुक्लागण्डकी नगरपालिकाका उपप्रमुख खुमबहादुर विक (राजु), प्रमुख प्रशासकिय अधिकृत रामचन्द्र लाम्गादे, शिक्षा युवा तथा खेलकुद शाखाका प्रमखु नवराज चापागाइले पुरस्कार वितरण गरेका थिए भने शिक्षा अधिकृत शुसिल नरालले कार्यक्रम सञ्चालन गरेका थिए ।
