दुलेगौंडा । नेपाल निजामती कर्मचारी युनियन शुक्लागण्डकी नगर समितिको अध्यक्षमा नवराज पण्डित पुन: दाेहाेरिएका छन् । युनियनको दाेस्राे अधिवेशनले पण्डितको अध्यक्षतामा १३ कार्यसमिति चयन गरेको छ ।
समितिकाे उपाध्यक्षमा सुर्य प्रसाद पौडेल, महिला उपाध्यक्षमा लक्ष्मी सिग्देल, सचिवमा गोविन्द प्रसाद तिवारी, सह-सचिवमा इन्द्र प्रसाद पौडेल, काेषाध्यक्षमा झलक कृष्ण भण्डारी, खुल्ला सदस्यमा सुशील नराल र भिम प्रसाद सुवेदी, महिला सदस्यमा दुर्गा अधिकारी र कामना लम्साल, श्रेणीविहिन तर्फ कल्पना गुरुङ र अर्जुन परियार चयन भएका छ्न ।
कार्यक्रमको बोल्दै शुक्लागण्डकी नगरपालिकाका नगर प्रमुख कृष्णराज पण्डितले देशको प्रशासनिक कार्यसम्पादन र कर्मचारीको हकहितको लागि युनियनले उदाहरणीय कार्य गरेको बताउदै कर्तव्यबोधको साथ काम गर्न कर्मचारीलाई अनुरोध गरे । साथै कर्मचारीको वृत्ति बिकास र सेवा सुबिधामा आफू प्रतिबद्ध रहेको समेत बताए ।
युनियनका अध्यक्ष नवराज पण्डितको अध्यक्षमा सम्पन्न कार्यक्रममा नगर प्रमुख पण्डित,नेपाल निजामती कर्मचारी युनियनका केन्द्रिय सदस्य काशीप्रसाद पण्डित, शुक्लगण्डकी नगरपालिकाका शिक्षा शाखा प्रमुख नवराज चापागाईं, शुक्लागण्डकी नगरपालिका-४ का अध्यक्ष राजकुमार वाग्ले, नेपाल निजामती कर्मचारी युनियन जिल्ला अध्यक्ष नारायण प्रसाद अधिकारी, स्थानीय तह कर्मचारी युनियन केन्द्रिय सदस्य भिम प्रसाद सुबेदी, आधिकारीक ट्रेड युनियन जिल्ला कारसमिती अध्यक्ष राजकुमार श्रेष्ठ, जिल्ला सचिव रामहरि खनाल, जिल्ला सदस्य युवराज पौडेल,स्वास्थ्यकर्मी संघ गण्डकी प्रदेश समिती सचिब ढाल बहादुर थापा, जिल्ला सदस्य दुर्गा अधिकारी लगायतको उपस्थिति रहेको थियो। कार्यक्रममा स्वागत कल्पना गैह्रे सुवेदी र सहजीकरण सह- सचिव इन्द्र प्रसाद पौडेलले गरेका थिए ।
