दुलेगौंडा । नेपाल बचत तथा ऋण सहकारी संस्था लिमिटेडले शुक्लागण्डकी नगरपालिका–८ साउनेडाडाँमा रहेको बाराही प्राथमिक विद्यालयका विद्यार्थीलाई न्यानो कपडा वितरण गरेको छ । सहकारीले विद्यालयमा अध्ययन गर्ने १२ जना विद्यार्थीलाई ट्रयाक सुट साथमा शैक्षिक सामग्री वितरण गरेको हो ।
सहकारीले सामाजिक उत्तरदायित्व कार्यक्रम अन्तरगत रहेर विद्यार्थीलाई न्यानो कपडा साथमा शैक्षिक सामग्री वितरण गरेको सहकारीका व्यवस्थापक मिलन पौडेलले बताए । उनका अनुसार सहकारी आर्थिक गतिविधि सञ्चालनमा मात्र केन्द्रीत नभई सामाजिक कार्यमा पनि अग्रसर हुने बताए ।
सहकारीका अध्यक्ष रामजि पौडेलको सभापतित्वमा सम्पन्न कार्यक्रममा सहकारीका सदस्यहरु, विव्यस अध्यक्ष, विद्यालयका प्रअ लगायतको उपस्थिति रहेको थियो भने कार्यक्रमको सञ्चालन सहकारी समितिका सचिव लेखबहादुर शाहीले गरेका थिए । नेपाल बचत तथा ऋण सहकारी संस्थामा ३ हजार ६ जना सदस्य रहेका छन् । यस सहकारीको प्रधान कार्यालय दुलेगौंडामा रहेको छ ।
