दुलेगौंडा । शुक्लागण्डकी जेसीजले आयोजना गरेको अन्तर विद्यालयस्तरीय हाजिरीजवाफ प्रतियोगितामा जनप्रेमी माध्यमिक विद्यालय प्रथम भएको छ । जेसीज सप्ताहन्तको अवसरमा भएको प्रतियोगितामा जनप्रेमीले सहभागी ९ विद्यालयलाई पछि पार्दै प्रथम भएको हो । जितसंगै जनप्रेमीले नगद ५ हजार साथमा प्रमाणपत्र प्राप्त गरेको छ ।
यसैगरी प्रतियोगितामा नेपाल पुलिस स्कुल द्धितीय र सहिद कृष्ण माध्यमिक विद्यालय तृतीय भएको छ । प्रतियोगिता द्धितीय र तृतीय हुनेले क्रमश नगद ३ हजार, १ हजार ५ सय साथमा प्रमाणपत्र प्राप्त गरेको छ ।
विद्यार्थीहरूलाई कोरा किताबि ज्ञानमा मात्रै सिमित नराखी अतिरिक्त क्रियाकलापमा पनि सक्रिय बनाउन हाजिरीजवाफ प्रतियोगिता आयोजना गरिएको जेसीज बर्ष २०२४ का अध्यक्ष रमेश भण्डारीले बताए ।
जेसीज बर्ष २०२४ का अध्यक्ष भण्डारीको सभापतित्वमा सम्पन्न कार्यक्रममा नेपाल पुलिस स्कुलका प्रधानाध्यापक डिकेन्द्र रायमाझी, पूर्व अध्यक्ष इश्वर श्रेष्ठ, निवर्तमान अध्यक्ष मदन श्रेष्ठ, शिव सुनार ,कार्यक्रम संयोजक सुनिल श्रेष्ठ लगायतको उपस्थित रहेको थियो ।
