दुलेगौंडा । व्यक्तित्व विकास साथै सामाजिक कार्यमा सक्रिय रहेको शुक्लागण्डकी जेसीजको जेसीज सप्ताहन्त सुरु हुने भएको छ । जेसीजल कार्तिक २७ गते मुक्तिनाथ शुक्लागण्डकी च्यवन धाममा जेसीज सप्ताहन्तको औपचारीक उद्घाटन गर्दै धामलाई वाटर डिस्पोन्सर हस्तान्तर गर्ने छ । सोही दिन शुक्ला हिलेटारमा हुने एकादशी मेलामा पानी वितरण गर्नुका साथै निशुल्क स्वास्थ्य परिक्षण गर्ने जेसीज बर्ष २०२४ का अध्यक्ष रमेश भण्डारीले जानकारी दिए ।
यसैगरी कार्तिक ३० गते विहान ८ बजे इलाका प्रहरी कार्यालय बेलचौतारामा बिस्तारै मोटरसाइकल चलाउने प्रतियोगिता हुनुका साथै ट्राफिक सचेतना कार्यक्रम हुने छ । साथै सोही दिन दिउसो अन्तर विद्यालय हाजिरीजवाफ प्रतियोगिता हुने छ ।
यसैगरी मंसिर १ गते विहान निर्मल प्रवि बन्केवामा शैक्षिक सामग्री हस्तान्तरण कार्यक्रम हुनेछ भने सोही दिन बेलुका शुकलागण्डकी जेसीजको सदस्य रही शुक्लागण्डकी नगर उद्योग बाणिज्य संघमा निर्वाचित भएका पदाधिकारीलाई सम्मान कार्यक्रम गरी जेसीज सप्ताहन्त समापन गरिने जेसीज बर्ष २०२४ का अध्यक्ष भण्डारीले बताए ।
