दुलेगौंडा । शुक्लागण्डकी नगरपालिकाको पुल्चोक क्षेत्र र भिमाद नगरपालिकाको भिमाद पुलमा हुने एकादशी मेलामा लायन्स क्लबले निशुल्क पानी वितरण गर्ने भएको छ । मेला हेर्न आएका मानिसको तिर्खा मेटाउनका लागि पानी वितरण कार्यक्रम आयोजना गरिएको लायन्सका रिजन चियर पर्सन सुमन सापकोटाले जानकारी दिए ।
एकादशी मेलामा लायन्स क्लब अफ शुक्लागण्डकी, लायन्स क्लब अफ दुलेगौंडा खैरेनीटार सिटी, लायन्स क्लब अफ तनहुँ शुक्लागण्डकी टाउन, लायन्स क्लब अफ बेलचौंतारा टाउन, लायनस क्लब अफ भिमाद ग्रीन सिटी र लायन्स क्लब अफ भिमाद ग्रीन भ्यालीको संयुक्त आयोजनामा निःशुल्क खानेपानी वितरण गर्न लागिएको हो ।
